Polıgonda qaza bolǵan sarbazdy komandır qasaqana óltirgen bolýy múmkin

Foto: Tengrinews.kz/ Turar Qazanǵapov

Bas áskerı prokýratýra Aqtaýda boryshyn ótep júrgen sarbazdyń ólimine qatysty túsinikteme berdi, – dep habarlaıdy Massaget.kz tilshisi.

Memlekettik organnyń málimetinshe, 2024 jyly 7 qyrkúıekte saǵat 17:10 shamasynda Aqtaýdaǵy «Oımasha» polıgonynyń aýmaǵyndaǵy Qorǵanys mınıstrliginiń áskerı bólimderiniń biriniń vzvod komandıri qatardaǵy B.-ǵa PM tabeldik tapanshasynan oq atty. Saldarynan sarbaz qaıtys boldy.

«Sol kúni Batys óńirlik áskerı-tergeý basqarmasy qasaqana kisi óltirý deregi boıynsha sotaldy tergep-tekserýdi bastady (1-bólim QK 99-baby). Tergeý organy kúdiktini QIJK-niń 128-babynyń tártibimen ustady jáne Aqtaý AÁK-ne qamaýǵa aldy. Qylmystyń sebebi men ózge de mán-jaıyn anyqtaý úshin tergeý is-sharalarynyń qajetti kesheni júrgizilip jatyr», – delingen Bas áskerı prokýratýranyń habarlamasynda.

Is boıynsha is júrgizý prokýrory taǵaıyndaldy.

Bas áskerı prokýratýra tergeý barysyn erekshe baqylaýǵa aldy.