پوليتسيا قىزمەتكەرلەرى ازاپتاۋ ءىسى ءۇشىن سوتتالدى

فوتو: سكرين ۆيدەو 

قاراعاندى وبلىسى پروكۋراتۋراسىنىڭ سوتقا دەيىنگى تەرگەپ-تەكسەرۋ باسقارماسى كۋاگەردى ازاپتاۋ بويىنشا پوليتسيا قىزمەتكەرلەرىنىڭ ۇستىنەن قوزعالعان قىلمىستىق ءىستى تەرگەدى, دەپ جازدى qandastar.kz

ازاماتتىڭ تۇلعانىڭ دەنساۋلىعىنا ورتاشا زيان كەلتىرگەنى ءۇشىن جاۋاپ الۋ ماقساتىندا پوليتسياعا شاقىرىلعانى انىقتالدى. قىزمەتتىك بولمەدە ەكى جەدەل قىزمەتكەر وعان پسيحولوگيالىق قىسىم كورسەتىپ, كىناسىن مويىنداۋ ءۇشىن دەنە جاراقاتتارىن كەلتىرگەن.

قاراعاندى وبلىسىنىڭ قىلمىستىق ىستەر جونىندەگى مامانداندىرىلعان اۋدانارالىق سوتى كريمينالدىق پوليتسيا ءبولىمىنىڭ اعا جەدەل قىزمەتكەرلەرىن قازاقستان رەسپۋبليكاسى قىلمىستىق كودەكسىنىڭ 146-بابى 2-بولىگىنىڭ 1-تارماعىنا سايكەس كىنالى دەپ تانىپ, جازالارىن قىلمىستىق-اتقارۋ جۇيەسىنىڭ قاۋىپسىزدىگى ورتاشا مەكەمەسىندە وتەۋمەن  3 جىلعا باس بوستاندىقتارىنان ايىردى. سوتتالعاندار «پوليتسيا كاپيتانى» ارنايى شەنىنەن ايىرىلدى. ولارعا جابىرلەنۋشلەردىڭ وتەماقى قورىنا ايىپپۇل تولەۋ جازاسى دا تاعايىندالدى.

قاراعاندى وبلىستىق سوتىنىڭ قىلمىستىق ىستەر جونىندەگى سوت القاسى ۇكىمدى وزگەرىسسىز, اپەللياتسيالىق شاعىمداردى قاناعاتتاندىرۋسىز قالدىردى.