الەم جاڭالىقتارى
پراگادا قازاقستاندىق قىز جوعالدى: ونى سوڭعى رەت حوستەلدە كورگەن
فوتو:سكرين
چەحيادا قازاقستان ازاماتى ۋليانا رادينا ءىز-ءتۇزسىز جوعالىپ كەتتى. ول 16 اقپاننان بەرى بايلانىسقا شىقپاعان, قايدا ەكەنى بەلگىسىز. تۋىستارى ونى كورگەن نەمەسە قانداي دا ءبىر اقپارات بىلەتىن ادامداردان كومەك سۇرايدى, – دەپ حابارلايدى qandastar.kz Salempraha Instagram پاراقشاسىنا سىلتەمە جاساپ.
ۋليانا سوڭعى رەت پراگاداعى Capsule Hostel Anděl-دە (ۆرچليكەحو 288/14) عيماراتتىڭ ەكىنشى جانە سوڭعى قاباتىندا كورىنگەن. سودان كەيىن ونىڭ ءىزى مۇلدە جوعالعان.
قىزبەن بايلانىس كەنەت ۇزىلگەن – تەلەفونى ءسوندىرۋلى, حابارلامالارعا جاۋاپ بەرمەيدى, ال بانك كارتاسى مۇلدە پايدالانىلماعان. ونىڭ جوعالعانىنان بەرى بىردە-ءبىر قارجىلىق ترانزاكتسيا تىركەلمەگەن.
تۋىستارى مەن تانىستارى ۋليانا تۋرالى كەز كەلگەن اقپاراتقا يە ادامداردان كومەكتەسۋدى سۇرايدى. اناسىنىڭ نومىرىنە +7 777 225 2555 حابارلاسساڭىزدار بولادى.
