جاڭالىقتار
پرەمەر-مينيستر «تازا قازاقستان» باعدارلاماسىنا قاتىستى نە ايتتى?
فوتو: ۇكىمەت
قازاقستاننىڭ پرەمەر-ءمينيسترى ولجاس بەكتەنوۆ مانجەروك قالاسىندا (التاي رەسپۋبليكاسى) وتكەن ءبىرىنشى حالىقارالىق ەكولوگيالىق كونفەرەنتسياعا قاتىستى, دەپ جازادى qandastar.kz
«قازاقستاندا قورشاعان ورتانى قورعاۋ جونىندەگى شارالار جۇيەلى تۇردە قابىلدانۋدا. پرەزيدەنت قاسىم-جومارت توقاەۆتىڭ تاپسىرماسى بويىنشا «تازا قازاقستان» باعدارلاماسى قارقىندى تۇردە جۇزەگە اسىرىلۋدا. بۇگىندە ول اۋقىمدى ەكولوگيالىق قوزعالىسقا جانە قازاقستاندىقتاردىڭ كۇندەلىكتى ءومىرىنىڭ اجىراماس بولشەگىنە اينالدى. تابيعاتقا, تۋعان جەرگە ۇقىپتى قاراۋ مادەنيەتىن قالىپتاستىرۋعا باعىتتالعان بۇل باستاما اياسىندا تابيعي اۋماقتاردى, سۋ قويمالارىنىڭ جاعالاۋلارىن تازارتۋ جانە اعاش وتىرعىزۋ بويىنشا ەكواكتسيالار تۇراقتى تۇردە ۇيىمداستىرىلىپ تۇرادى.
سونداي-اق, ۇكىمەت ەكولوگيالىق زاڭنامانى جاڭعىرتۋدا, تابيعات قورعاۋ سالاسىنا وزىق تەحنولوگيالاردى ەنگىزۋدە, ەكولوگيالىق باقىلاۋدى تسيفرلاندىرۋدا. بيوالۋانتۇرلىلىكتى قورعاۋ قورى قۇرىلۋدا, ەرەكشە قورعالاتىن اۋماقتار جەلىسى دامىتىلۋدا, توعاي بۇعىسى, قۇلان, ارقار, قاراقۇيرىق جانە قار بارىسى سياقتى سيرەك كەزدەسەتىن جانە جويىلىپ بارا جاتقان جانۋارلار تۇرلەرىنىڭ پوپۋلياتسياسى قالپىنا كەلتىرىلۋدە. تۇران جولبارىسى مەن پرجەۆالسكي جىلقىسىن رەينترودۋكتسيالاۋ جۇمىستارى جۇرگىزىلۋدە», — دەدى و. بەكتەنوۆ.
ولجاس بەكتەنوۆ كاسپي تەڭىزى دەڭگەيىنىڭ تومەندەۋىنە نازار اۋدارتىپ, كاسپي ماڭى مەملەكەتتەرى اراسىنداعى ايماقتىق ءوزارا ءىس-قيمىلدى جانداندىرۋ قاجەتتىگىن اتاپ ءوتتى.
