جاڭالىقتار
پرەمەر-ءمينيستردىڭ ءباسپاسوز حاتشىسى اۋىستى
![](https://qandastar.kz/wp-content/uploads/2024/02/IMG_3877-780x405.jpeg)
بۇل قىزمەتكە ديليارا الەنوۆا كەلدى. بۇعان دەيىن ول الماتى قالاسى اكىمىنىڭ ءباسپاسوز حاتشىسى قىزمەتىن اتقاردى.
ديليارا الەنوۆا 2015 جىلى قازاق مەملەكەتتىك زاڭ ۋنيۆەرسيتەتىن حالىقارالىق قۇقىق ماماندىعى بويىنشا بىتىرگەن.
ال ەڭبەك جولىن 2014 جىلى ءتىلشى بولىپ باستاعان.
ءار جىلدارى قر پرەزيدەنتى جانىنداعى ورتالىق كوممۋنيكاتسيالار قىزمەتىندە, اقپارات جانە كوممۋنيكاتسيالار مينيسترلىگى اقپارات كوميتەتىندە, «قازكونتەنت» اق-سىندا, پرەمەر-ءمينيستردىڭ ءباسپاسوز قىزمەتىندە جۇمىس ىستەدى.
ودان كەيىن «الماتى قالاسىنىڭ وڭىرلىك كوممۋنيكاتسيالار قىزمەتى» كمم باسشىسى, الماتى قالاسىندا قوعامدىق دامۋ باسقارماسىنا قاراستى كوممۋنيكاتسيالىق ءىس-تاجىريبەلەر ءبولىمىنىڭ باسشىسى بولدى.
2023 جىلى شىلدە ايىندا الماتى قالاسى اكىمى ءباسپاسوز قىزمەتىنىڭ باسشىسى قىزمەتىنە تاعايىندالعان.