Prezıdent Armenııanyń Syrtqy ister mınıstrimen kezdesti

Foto: Aqorda

Qasym-Jomart Toqaev elimiz Beıbitshilik týraly kelisim jobasy boıynsha kelissózderdiń aıaqtalyp, Erevan men Baký arasyndaǵy memleketaralyq qarym-qatynastyń jandanýyn qoldaıtynyn jetkizdi. Prezıdenttiń pikirinshe, bul aıtýly oqıǵa Armenııa men Ázerbaıjan arasynda beıbit kelisim ornatýǵa negiz qalap, aımaqtyń Qazaqstan jáne Ortalyq Azııa memleketterimen yntymaqtastyǵyn belsendi túrde damytýǵa, sondaı-aq qaýipsizdikti nyǵaıtýǵa yqpal etedi, dep jazdy qandastar.kz

– Sizdiń Astanaǵa alǵashqy resmı saparyńyz eki el arasyndaǵy yntymaqtastyqty odan ári nyǵaıtý turǵysynan mańyzdy. Bizdiń armıan halqy men Sizdiń memleketke degen qurmetimiz bólek, – dedi Prezıdent.

Armenııanyń Syrtqy ister mınıstri qonaqjaılyq tanytqany úshin rızashylyǵyn bildirdi.

– Biz Sizdiń eki el arasyndaǵy yqpaldastyqqa qatysty ustanymyńyzdy qoldaımyz, – dedi Ararat Mırzoıan.

Ol Armenııa men Qazaqstannyń Syrtqy ister mınıstrlikteri jáne basqa da vedomstvolary Qasym-Jomart Toqaevtyń byltyr Erevanǵa jasaǵan resmı sapary barysynda qol jetkizilgen ýaǵdalastyqtardy júzege asyrý boıynsha jumys istep jatqanyn jetkizdi.

Kezdesý barysynda saýda-ekonomıkalyq, ınvestıııalyq, kólik-logıstıkalyq, mádenı-gýmanıtarlyq salalardaǵy ekijaqty baılanysty ilgeriletý perspektıvasy qarastyryldy.

Qazaqstan Prezıdenti otandyq bıznes ókilderiniń Armenııaǵa taýar tasymalyn 350 mıllıon dollarǵa deıin ulǵaıtýǵa daıyn ekenin málimdedi.