Prezıdent: «Baǵanashyldaǵy» balalar oblysqa kóshirilmeıdi

Foto: Orda.kz

Memleket basshysy Qasym-Jomart Toqaev Almatydaǵy «Baǵanashyl» balalar úıin Qonaev qalasyna kóshirý týraly sheshimmen tanysyp, atalǵan mekeme tárbıelenýshileriniń quqyqtaryn qorǵaý maqsatynda naqty tapsyrmalar berdi. Shýlzy oqıǵaǵa qatysty qabyldanǵan sheshim jaıly onyń hatshysy Rýslan Jeldibaı jazdy, dep habarlaıdy qandastar.kz

«Baǵanashyl» balalar úıiniń tárbıelenýshilerin Almatydan Qonaev qalasyna kóshirýge baılanysty jaǵdaımen tanysqan Qasym-Jomart Toqaev Almaty qalasynyń ákimi Darhan Satybaldyǵa oqýshylardyń ońtústik astanada bilim alýyn jalǵastyrý úshin balalar úıine jóndeý jumystaryn júrgizýdi jáne atalǵan nysandy qalanyń balansyna alýdy tapsyrdy», — dep jazdy Rýslan Jeldibaı.

Memleket basshysynyń tapsyrmasyna sáıkes, balalar úıi basqa qalaǵa kóshirilmeıdi. Bul sheshim ata-anasynyń qamqorlyǵynsyz qalǵan balalardyń zańdy quqyqtary men múddelerin saqtaýǵa baǵyttalǵan.

Prezıdent Ákimshiligi atalǵan jaǵdaıǵa baılanysty qyzmettik tekseris júrgizetinin málimdedi.