Prezıdent bastamasymen jańa ınstıtýt quryldy

Prezıdent Qasym-Jomart Toqaevtyń tapsyrmasyn oryndaý maqsatynda Aqtóbe aýyl sharýashylyǵy tájirıbe stansasynyń negizinde «Qazaq jylqy sharýashylyǵy jáne jemshóp óndirý ǵylymı-zertteý ınstıtýty» JShS quryldy. Aıta keteıik, mekeme «Ulttyq ǵylymı-bilim berý ortalyǵy» quramynda. Bul týraly 19 qarashada Aýyl sharýashylyǵy mınıstrligi málimdedi.

«Jańa qurylǵan ınstıtýttyń jumysy – asyl tuqymdy jylqylardyń sapasyn jaqsartýǵa, jylqy sharýashylyǵyn belsendi damytýǵa, ǵylymı-zertteý jumystaryn júrgizýge jáne otandyq tuqymdy syrtqy naryqqa shyǵarýǵa baǵyttalǵan. Aldaǵy bes jylda asyl tuqymdy jylqy sanyn 6-7 paıyzǵa arttyrý kózdelip otyr»,- dep málimdedi vedomstvo.

Jergilikti qostanaı, adaı jáne soǵymǵa arnalǵan muǵaljar, jábe, kúshim genotıpterin kóbeıtý úshin sellekııalyq jáne asyldandyrý baǵytynda jumystar belsendi júrgizilmek.

«Ol úshin jylqylardyń ártúrli genetıkalyq toptary týraly aqparatty saqtaıtyn derekter qoryn jáne uryqtar men embrıondar banki qurylmaq. Sondaı-aq, bıelerdi qoldan uryqtandyrý zerthanalyq pýnktin salyp, arnaıy jylqy ósirýshi mamandaryn daıyndaý josparlanyp otyr. Arnaıy jylqy veterınarlyq klınıkasyn ashý arqyly veterınarııalyq qyzmet kórsetý deńgeıiniń sapasy jaqsarady», — deıdi mamandar.

2035 jylǵa deıin jylqy sharýashylyǵynda ǵylymı zertteýlerdiń basym baǵyttarynyń biri otandyq popýlıaııadaǵy jylqylardyń genetıkalyq áleýetin selekııalyq, tehnologııalyq ádistermen arttyryp, Qazaqstannyń ártúrli óńirleriniń taýar sharýashylyqtaryna keńinen engizý. Munyń bári ósiriletin tuqymdardyń ónimdiliginiń 20-25%-ǵa ósýin qamtamasyz etedi.

Belgilengen josparlardy iske asyrýdyń negizgi sharttarynyń biri sheteldik ǵylymı-zertteý ortalyqtarymen, ýnıversıtettermen jáne halyqaralyq standartqa saı zerthanalarymen birlese jumys isteý.