Prezıdent qazaqstandyqtardy Amal kúnimen quttyqtady

Memleket basshysynyń sózinshe, amal kelgende amandyq bilisý – kóne zamannan jalǵasqan aıryqsha dástúrimiz.

Qystan shyǵyp, shýaqty kóktemge aman jetken aǵaıyn osy kúni bir-birimen kórisedi. Jastar úlkenderge sálem berip, qarııalardyń batasyn alady. Halqymyz ejelden osyndaı ǵuryptar arqyly baýyrmaldyq pen janashyrlyqty, tatýlyq pen meıirimdilikti dáriptep, urpaqtyń boıyna asyl qasıetterdi sińire bilgen. Munyń bári qazirgi Qazaqstannyń Adal azamat tujyrymdamasymen tolyq úndesedi.

«Búginde Naýryz meıramy aldyndaǵy kórisý ǵurpy qaıta jańǵyryp, jalpyulttyq sıpat ala bastady. Osy biregeı dástúrimiz elimizdiń yrysty yntymaǵy men berekeli birligin nyǵaıta túsedi dep senemin. Ár shańyraq shattyq pen qýanyshqa kenelsin! Barshańyzǵa zor densaýlyq, baq-bereke tileımin! Aıdan aman, jyldan esen bolaıyq!»Qasym-Jomart Toqaev

Búgin, 14 naýryzda Qazaqstan Prezıdenti Ulttyq Quryltaıdyń IV otyrysyna qatysady.