Prezıdent Mádına Ábilqasymovany qabyldady

Foto: Akorda

Memleket basshysy Qarjy naryǵyn retteý jáne damytý agenttiginiń tóraǵasy Mádına Ábilqasymovany qabyldady, dep jazady qandastar.kz

Mádına Ábilqasymova prezıdentke qarjy naryǵyn damytý salasynyń byltyrǵy qorytyndylary týraly esep bergen.

Sondaı-aq bank sektorynda turaqtylyq saqtalyp turǵany jóninde baıandaǵan. 2024 jyldyń basynan beri bankterdiń aktıvteri 19,7 paıyzǵa, ıaǵnı 61,6 trıllıon teńgege deıin ósken. Ekonomıkany kredıtteý 20,9 paıyzǵa nemese 33,8 trıllıon teńgege deıin ulǵaıǵan. Bankterdiń jumys istemeıtin aktıvteri – 3,1 paıyzdan tómen deńgeıde.

Agenttik 21 bankke jyl saıynǵy qadaǵalaý-baǵalaý jumystaryn aıaqtaǵan. 11 banktiń aktıvi sapalyq turǵydan baǵalanyp, stress-testileý júrgizilgen. Atalǵan shara bank júıesi aktıvteriniń 85 paıyzyn qamtyǵan. Buǵan qosa, 400 mıllıard teńge kóleminde memlekettiń qoldaý qarajaty merziminen buryn qaıtarylǵan.

Sonymen qatar Mádına Ábilqasymova strestik aktıvter naryǵyn damytýdy kózdeıtin zańnamalyq túzetýler qabyldanyp, osy tektes aktıvterdi satýǵa arnalǵan alǵashqy ıfrlyq platforma iske qosylǵanyn aıtqan.

Básekelestikti kúsheıtý úshin bank sektoryna Ońtústik Koreıadan, Qatar memleketinen jáne Birikken Arab Ámirlikterinen sheteldik bankter tartylǵan.

Kezdesýde memleket basshysyna naqty sektor men bıznes sýbektilerin nesıeleý týraly da málimet berilgen. 2024 jyly bızneske berilgen kredıtter 16,3 paıyzǵa nemese 13,1 trıllıon teńgege deıin ulǵaıǵan. Bul rette bızneske 18,2 trıllıon teńge somasyna jańa zaımdar berilgen.

Qasym-Jomart Toqaevtyń halyqtyń shamadan tys kredıt alýyn tómendetý jóninde bergen tapsyrmasyna sáıkes, 2024 jylǵy maýsymda kredıt berý kezinde táýekelderdi barynsha azaıtý jáne qaryz alýshylardyń quqyqtaryn qorǵaý baǵytynda zań qabyldandy. Sonymen qatar 614 myń azamattyń 210 mıllıard teńge somasyndaǵy problemalyq bereshegi qaıta qurylymdalǵan, ishinara nemese tolyq keshirilgen.

Agenttik tóraǵasy azamattardy qarjylyq alaıaqtyqtan qorǵaý maqsatynda zańnamalyq túzetýlerdiń jańa toptamasy ázirlengenin de jetkizgen.

Budan bólek, memleket basshysyna saqtandyrý naryǵyn ıfrlandyrý nátıjesi tanystyrylǵan. Azamattardyń turǵyn úılerin apat táýekelderinen mindetti saqtandyrý modeli ázirlengen. Kredıttik reıtıng agenttikteri týraly, Investıııalyq jáne venchýrlyq qorlar týraly zań jobalary daıyndalǵan.

Kezdesý sońynda Qasym-Jomart Toqaev Agenttikke qarjylyq turaqtylyqty qamtamasyz etý, naqty sektordy kredıtteý aıasyn odan ári keńeıtý, qarjylyq qyzmetterde tutynýshylardyń quqyqtaryn qorǵaý tetikterin kúsheıtý jóninde birqatar mindet júktegen.