Jańalyqtar
Prezıdent memlekettik organdarǵa qandaı tapsyrma júktedi?
Foto: Aqorda
Prezıdent Qasym-Jomart Toqaevtyń tóraǵalyǵymen Qazaqstan Respýblıkasy Qaýipsizdik Keńesiniń jumys otyrysy ótti, dep habarlaıdy qandastar.kz Aqordaǵa silteme jasap.
Jıynda tarıftik qaqtyǵystar saldarynan álemdik naryqtaǵy jaǵdaıdyń ózgerýine baılanysty elimizdiń is-qımyl jospary talqylandy.
Premer-Mınıstr Oljas Bektenovtiń, Ulttyq bank tóraǵasy Tımýr Súleımenovtiń, sondaı-aq basqa da quzyretti organdar basshylarynyń baıandamalary tyńdaldy.
Prezıdent qazirgi jahandyq ekonomıkadaǵy ahýaldyń turaqsyz sıpat ala bastaǵanyn, sondyqtan kez kelgen jaǵdaıǵa daıyn bolý qajet ekenin atap ótti.
Keńes otyrysynda Qasym-Jomart Toqaev aldaǵy jumystyń negizgi baǵyttaryn aıqyndady.
– Úkimettiń mindeti – halyqtyń ál-aýqatyn, ekonomıkalyq ósim qarqynyn jáne tartylatyn ınvestıııa kólemin tómendetýge jol bermeý, – dedi Memleket basshysy.
Prezıdent álemdik deńgeıdegi daǵdarystar árdaıym syn-qaterge toly bolǵanymen, damýdyń jańa kókjıegin ashatynyn da aıtty.
Memleket basshysy Qazaqstannyń ekonomıkalyq, kólik-logıstıkalyq jáne adamı áleýetin nyǵaıtýǵa yqpal etetin naqty strategııalyq baǵyttardy atady.
Iri ınfraqurylymdyq jobalar men ıfrlandyrý jospary elimizdiń ekonomıkalyq saıasatynyń basty baǵyttary bolyp qala beredi.
– Halyq aldyndaǵy negizgi áleýmettik mindettemelerdiń bárin oryndaýǵa jáne mańyzdy ınfraqurylymdyq jobalardy júzege asyrýdy jalǵastyrýǵa tıispiz, – dedi Prezıdent.
Memlekettiń qarjylyq turaqtylyǵyn saqtaý men aqsha-nesıe saıasatyn iske asyrý tetikterin jetildirýge erekshe nazar aýdaryldy.
