Prezıdent memlekettik satyp alý týraly jańa zańǵa qol qoıdy

Foto: ashyq derekkóz

Prezıdent Qasym-Jomart Toqaev birqatar zańǵa qol qoıdy. Bul týraly Stan.kz aqparat agenttigi habarlaıdy.

Aqordanyń málimetinshe, prezıdent «memlekettik satyp alý týraly» zańǵa qol qoıǵan. Zań prezıdenttiń 2022 jylǵy 1 qyrkúıektegi «Ádiletti memleket. Birtutas ult. Berekeli qoǵam» atty Qazaqstan halqyna joldaýyn júzege asyrý maqsatynda qabyldanǵan.

Jańa zań memlekettik satyp alý rásimderin jeńildetýge jáne qysqartýǵa baǵyttalǵan. Jańa zań boıynsha:

— satyp alýdy jedel júrgizý, satyp alý rásimderiniń keshiktirilýin boldyrmaý maqsatynda budan bylaı shaǵymdardy satyp alýdy uıymdastyrýshynyń ózi tikeleı qaraıdy;

— satyp alý qorytyndylaryna shaǵymdaný veb-portal arqyly jáne jeńimpazy tek konkýrstyq komıssııa aıqyndaǵan satyp alýlar boıynsha ǵana júzege asyrylady;

— buryn satyp alýlar tek 1 áleýetti ónim berýshi qatysqan jaǵdaıda ótpedi dep tanylatyn bolsa, endi mundaı ónim berýshini tıisti biliktilik talaptaryna saı dep tanyǵan jaǵdaıda onymen shart jasasýǵa ruqsat beriledi;

— tapsyrys berýshilerdiń taýarlardy, jumystar men kórsetiletin qyzmetterdi jedel satyp alýyna ońtaıly jaǵdaı jasaý maqsatynda endi quny 100 AEK-ke deıingi taýarlardy, 500 AEK-ke deıingi jumystar men qyzmetterdi bir kózden satyp alý quqyǵy qarastyrylǵan. Aýyl ákimdikteri úshin mundaı taýarlardy, jumystar men kórsetiletin qyzmetterdi satyp alý shegi 3000-nan 4000 AEK-ke deıin ulǵaıtyldy;

— ǵylymı uıymdardyń satyp alý tártibi jeńildetildi;

— tótenshe jaǵdaılardyń aldyn alýǵa qajetti taýarlardy, jumystar men kórsetiletin qyzmetterdi bir kózden satyp alý múmkindigi bekitildi;

— memlekettik satyp alýlarǵa qoǵamdyq baqylaý júrgizý múmkindigi engizildi;

— jalaqy boıynsha merzimi ótken bereshegi bar áleýetti ónim berýshiler de memlekettik satyp alýlarǵa jiberilmeıdi;

Sondaı-aq, prezıdent «Qazaqstan Respýblıkasynyń keıbir zańnamalyq aktilerine satyp alý jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» zańyna qol qoıǵan.

Eske salsaq, buǵan deıin prezıdenttiń mass-medıa týraly zańǵa qol qoıǵany týraly jazǵan edik.