جاڭالىقتار
پرەزيدەنت مەرزىمدى اسكەري قىزمەتكە شاقىرۋ تۋرالى جارلىققا قول قويدى
اقوردانىڭ ءباسپاسوز قىزمەتىنىڭ حابارلاۋىنشا, مەملەكەت باسشىسى قاسىم-جومارت توقاەۆ «اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەردى زاپاسقا شىعارۋ جانە قازاقستان رەسپۋبليكاسىنىڭ ازاماتتارىن 2025 جىلدىڭ ناۋرىز – ماۋسىمىندا جانە قىركۇيەك – جەلتوقسانىندا مەرزىمدى اسكەري قىزمەتكە كەزەكتى شاقىرۋ تۋرالى» جارلىققا قول قويدى.
«اسكەري قىزمەتتىڭ بەلگىلەنگەن مەرزىمىن وتكەرگەن مەرزىمدى اسكەري قىزمەتتەگى اسكەري قىزمەتشىلەر 2025 جىلدىڭ ناۋرىز – ماۋسىمىندا جانە قىركۇيەك – جەلتوقسانىندا قازاقستان رەسپۋبليكاسىنىڭ قارۋلى كۇشتەرى, قازاقستان رەسپۋبليكاسىنىڭ ىشكى ىستەر مينيسترلىگى, قازاقستان رەسپۋبليكاسىنىڭ توتەنشە جاعدايلار مينيسترلىگى, قازاقستان رەسپۋبليكاسىنىڭ ۇلتتىق قاۋىپسىزدىك كوميتەتى, قازاقستان رەسپۋبليكاسىنىڭ مەملەكەتتىك كۇزەت قىزمەتى قاتارىنان زاپاسقا شىعارىلسىن», — دەلىنگەن قۇجاتتا.
سونىمەن قاتار جارلىقتا اسكەرگە شاقىرۋدى كەيىنگە قالدىرۋعا نەمەسە ودان بوساتىلۋعا قۇقىعى جوق ون سەگىز جاستان جيىرما جەتى جاسقا دەيىنگى ەر ازاماتتار 2025 جىلدىڭ ناۋرىز – ماۋسىمىندا جانە قىركۇيەك – جەلتوقسانىندا قازاقستان رەسپۋبليكاسىنىڭ قارۋلى كۇشتەرىنە, قازاقستان رەسپۋبليكاسىنىڭ ىشكى ىستەر مينيسترلىگىنە, قازاقستان رەسپۋبليكاسىنىڭ توتەنشە جاعدايلار مينيسترلىگىنە, قازاقستان رەسپۋبليكاسىنىڭ ۇلتتىق قاۋىپسىزدىك كوميتەتىنە, قازاقستان رەسپۋبليكاسىنىڭ مەملەكەتتىك كۇزەت قىزمەتىنە مەرزىمدى اسكەري قىزمەتكە شاقىرىلاتىنى كورسەتىلگەن.
جارلىق العاشقى رەسمي جاريالانعان كۇنىنەن باستاپ قولدانىسقا ەنگىزىلەدى.
