الەم جاڭالىقتارىجاڭالىقتار
پرەزيدەنت پۋتين مەن ترامپتىڭ تەلەفون ارقىلى كەلىسسوزىنىڭ قورىتىندىسىن قۇپتايدى
فوتو: اقوردا
پرەزيدەنت قاسىم-جومارت توقاەۆ ۆلاديمير پۋتين مەن دونالد ترامپتىڭ ۋكراينا بويىنشا تەلەفون ارقىلى كەلىسسوزىنىڭ قورىتىندىسىن قۇپتايدى, دەپ حابارلايدى qandastar.kz
بۇل تۋرالى مەملەكەت باسشىسىنىڭ ءباسپاسوز حاتشىسى رۋسلان جەلدىباي حابارلادى.
پرەزيدەنت ەكى ەلدىڭ كوشباسشىلارى ناقتى ۋاعدالاستىقتار نەگىزىندە ەۋرازيا كەڭىستىگىندەگى قاۋىپسىزدىكتى قامتاماسىز ەتۋ ءۇشىن اسا ماڭىزدى ۇزاقمەرزىمدى بەيبىتشىلىككە قول جەتكىزۋگە نيەتتى ەكەندەرىن كورسەتتى دەپ سانايدى.
مەملەكەت باسشىسى بۇعان دەيىن بارلىق دەرجاۆالاردى ۋكراينا بويىنشا «بەيبىتشىلىك فورمۋلاسىن» ازىرلەۋ ماقساتىندا كەلىسسوزدەر پروتسەسىن باستاۋعا شاقىرىپ, بريكس سامميتىندە قىتاي مەن برازيليانىڭ بەيبىتشىلىك جوسپارىن قولداعان بولاتىن.
ەسكە سالايىق, بۇعان دەيىن ترامپ پەن پۋتين 2,5 ساعات تەلەفون ارقىلى سويلەسكەنىن حابارلاعان ەدىك.
ولار تەلەفون ارقىلى ۋكرايناداعى قاقتىعىستى بەيبىت جولمەن شەشۋگە تۇبەگەيلى قادام جاساۋ جانە تۇتقىن الماسۋ جايىن تالقىلاعان.
