پرەزيدەنت روجدەستۆو مەرەكەسىمەن قۇتتىقتادى

پرەزيدەنت قاسىم-جومارت توقاەۆ پراۆوسلاۆ حريستياندارىنا زور دەنساۋلىق, باق-بەرەكە جانە تولاعاي تابىس تىلەدى, دەپ حابارلايدى qandastar.kz اقپارات پورتالى.

قۇرمەتتى وتانداستار!

ەلىمىزدىڭ بارشا پراۆوسلاۆ حريستياندارىن روجدەستۆو مەرەكەسىمەن قۇتتىقتايمىن!

جۇرتقا جاقسىلىق پەن ءۇمىت سىيلايتىن وسى جارقىن مەيرامدا ءدىندار جاندار ادامي قۇندىلىقتارعا قىزمەت ەتۋ جولىندا ءوزارا بىرىگەدى.

روجدەستۆودا ازاماتتار ەرەكشە قۋانىشقا بولەنەدى, پراۆوسلاۆ ءدىنىن ۇستاناتىن ادامدار جاقىندارىنا قامقورلىق كورسەتىپ, مۇقتاج ادامدارعا جاناشىرلىق تانىتۋعا اسىعادى.

پراۆوسلاۆ ءدىنى ەلدىڭ بەرەكەلى بىرلىگى مەن ىرىستى ىنتىماعىن نىعايتا تۇسۋگە, جالپىۇلتتىق بىرەگەيلىگىمىزدىڭ وزەگى سانالاتىن وتانشىلدىق, جاسامپازدىق جانە جاۋاپكەرشىلىك سياقتى قۇندىلىقتاردى دارىپتەۋگە مول ۇلەس قوسىپ كەلەدى.

قوعامداعى تاتۋلىق پەن تۇسىنىستىك قازاقستاننىڭ تۇراقتى دامۋىنىڭ مىزعىماس تىرەگى بولىپ قالا بەرەتىنىنە كامىل سەنەمىن.

ەلىمىزدىڭ پراۆوسلاۆ حريستياندارىنا زور دەنساۋلىق, باق-بەرەكە جانە تولاعاي تابىس تىلەيمىن!

روجدەستۆو مەرەكەسى قۇتتى بولسىن!