Prezıdent Sý kodeksine qol qoıdy

Foto: baq.kz

Prezıdent Sý kodeksine qol qoıdy, dep jazdy qandastar.kz

Elimizde tasqyn bolsa, naqty qaı organnyń nemen aınalysatyny aıqyndaldy. Byltyrǵy tótenshe jaǵdaıdan keıin, halyqpen qosa, abdyraǵan Úkimet osy máseleni bir jaqty qylyp, Sý kodeksine engizipti. Endi tótenshe jaǵdaı týyndasa, Sý mınıstrligi — basseınge tasqyn sýdy ótkizip, qoımalalardyń jaı kúıin baqylaıdy. Tótenshe jaǵdaılar mınıstrligi — aldyn alyp, saldaryn joıady.

Ákimdikter — erigen qar sýyna qarsy bóget salady. Jerústi sý nysandaryna sanaııa júrgizedi. Al Ekologııa mınıstrligi — qaramaǵyndaǵy aýmaqtarǵa aǵash otyrǵyzýy tıis.

Budan bólek:  Kodekstiń birinshi blogy sý únemdeýdiń jańa tetikterin engizýge jáne sý nysandaryn qorǵaýǵa baǵyttalǵan. Zańnamaǵa alǵash ret «sý qaýipsizdigi» uǵymy engizildi. Bul azamattar men el ekonomıkasyn sý tapshylyǵynan, al sý nysandaryn lastanýdan qorǵaýdy, sondaı-aq transshekaralyq sý nysandaryn qorǵaý men paıdalaný salasynda Qazaqstannyń múddesine qyzmet etedi.

Ekinshi blok salany basqarý tásilderin qaıta qarastyrady. Onda sý resýrstaryn qorǵaýdyń basym baǵyttaryna, sheshim qabyldaýǵa jurtshylyqty keńinen tartýǵa jáne sý sharýashylyǵy basseınderi negizinde basqarýǵa mán berilgen.  Kelesi blokta sý qoryn paıdalaný men qorǵaý salasyndaǵy memlekettik retteý jáne baqylaý qatańdatyldy. Basseındik sý ınspekııalaryna memlekettik baqylaý fýnkııasynan bólek, jedel áreket ete otyryp memlekettik qadaǵalaý jónindegi ókilettilikter berildi.

Sońǵy blok gıdrotehnıkalyq qurylystardyń qaýipsizdigin qamtamasyz etýge baǵyttalǵan.