پرەزيدەنت ۇلتتىق بانك توراعاسىن قابىلدادى

مەملەكەت باسشىسى ينفلياتسيانى تەجەپ, قارجى سەكتورىنىڭ تۇراقتىلىعىن قامتاماسىز ەتۋ ماڭىزدى ەكەنىنە نازار اۋداردى, دەپ جازدى qandastar.kz

تيمۋر سۇلەيمەنوۆ:

ۇلتتىق بانكتىڭ بىلتىر جۇزەگە اسىرعان اقشا-كرەديت ساياساتىنىڭ قورىتىندى ەسەبى مەن 2025 جىلعا ارنالعان مونەتارلىق رەتتەۋ جوسپارىن باياندادى; قازاقستان ەكونوميكاسى مەن قارجى جۇيەسىنىڭ احۋالى, ىسكەرلىك بەلسەندىلىك, ينفلياتسيا فاكتورلارى, سونداي-اق باعانى تۇراقتاندىرۋ جانە ينفلياتسيا دەڭگەيىن ورتامەرزىمدى ماقساتقا سايكەس 5 پايىزعا جەتكىزۋ ءۇشىن قابىلدانىپ جاتقان شارالار جونىندە مالىمەت بەردى; 2024 جىلدىڭ قورىتىندىسى بويىنشا ينفلياتسيا ۇلتتىق بانكتىڭ بولجاعان شەگىندە قالىپتاسقانى, ياعني 8,6% پايىزدى قۇراعانىن ايتتى; ۇلتتىق قوردىڭ اكتيۆتەرى, التىن-ۆاليۋتا رەزەرۆتەرى جانە بىرىڭعاي جيناقتاۋشى زەينەتاقى قورىنىڭ جاي-كۇيى جونىندە اقپارات بەردى:      – 2024 جىلى ۇلتتىق قور اكتيۆتەرىن باسقارۋدان تۇسكەن تابىس 7,5 پايىزعا ارتىپ, 4,5 ميلليارد دوللاردى قۇراعان;

– ۇلتتىق بانكتىڭ التىن-ۆاليۋتا رەزەرۆتەرى 45,8 ميلليارد دوللارعا جەتىپ, 27,4 پايىزعا ۇلعايعان;

– بجزق-نىڭ زەينەتاقى اكتيۆتەرىن باسقارۋدان تۇسكەن ينۆەستيتسيالىق تابىس 3,4 تريلليون تەڭگەنى قۇراعان. ال كىرىس كورسەتكىشى ينفلياتسيادان ەكى ەسە اسىپ ءتۇسىپ, 17,8 پايىزعا جەتكەن;

ۆاليۋتا نارىعىنداعى جاعداي تانىستىرىلىپ, تەڭگەنىڭ تۇراقتىلىعىن قامتاماسىز ەتۋ ءۇشىن جۇزەگە اسىرىلىپ جاتقان شارالار تۋرالى باياندادى; بانك سەكتورىنداعى جاعدايدىڭ تۇراقتىلىعى, دەپوزيتتەر بازاسىنىڭ قالىپتى ءوسىمىنىڭ جالعاسۋى, سونداي-اق قارجى تۇراقتىلىعىن قامتاماسىز ەتۋ شارالارى مەن ماكروپرۋدەنتسيالىق ساياساتتىڭ تيىمدىلىگىن ارتتىرۋ جوسپارى جونىندە ايتتى; ۇلتتىق تسيفرلىق قارجى ينفراقۇرىلىمىن دامىتۋ ناتيجەلەرى مەن انتيفرود-ورتالىعىنىڭ قىزمەتىن تانىستىردى.

مەملەكەت باسشىسى ينفلياتسيانى تەجەپ, قارجى سەكتورىنىڭ تۇراقتىلىعىن قامتاماسىز ەتۋ ماڭىزدى ەكەنىنە نازار اۋداردى. بۇل رەتتە قاسىم-جومارت توقاەۆ ۇلتتىق بانك پەن ۇكىمەت ماكروەكونوميكالىق ساياساتتى ۇيلەسىمدى جۇرگىزۋى قاجەت ەكەنىن اتاپ ءوتىپ, ۇلتتىق بانك قىزمەتىنە قاتىستى بىرقاتار ناقتى تاپسىرما بەردى.