Prezıdent «Uly Otan soǵysyndaǵy Jeńiske 80 jyl» medali týraly» Jarlyqqa qol qoıdy

Foto: Aqorda

Memleket basshysy «Uly Otan soǵysyndaǵy Jeńiske 80 jyl» biryńǵaı merekelik medali týraly» Jarlyqqa qol qoıdy,  dep habarlaıdy  qandastar.kz Aqordaǵa silteme jasap.

Atalǵan Jarlyqqa sáıkes Uly Otan soǵysynyń ardagerleri, tyl eńbekkerleri jáne ózge de adamdar «Uly Otan soǵysyndaǵy Jeńiske 80 jyl» biryńǵaı merekelik medalimen nagradtalady.

1941 – 1945 jyldardaǵy Uly Otan soǵysyndaǵy Jeńis kúniniń 80 jyldyǵy qurmetine, soǵys ardagerleri men tyl eńbekkerleriniń erligine, qaharmandyǵy men qaısarlyǵyna tereń qurmet kórsete otyryp, QAÝLY ETEMIN:

1. «Uly Otan soǵysyndaǵy Jeńiske 80 jyl» biryńǵaı merekelik medali taǵaıyndalsyn.

2. Mynalar:

1) «Uly Otan soǵysyndaǵy Jeńiske 80 jyl» biryńǵaı merekelik medalimen nagradtaý qaǵıdalary (budan ári – Qaǵıdalar);

2) «Uly Otan soǵysyndaǵy Jeńiske 80 jyl» biryńǵaı merekelik medaliniń sıpattamasy bekitilsin.

3. Qaǵıdalarǵa sáıkes Uly Otan soǵysynyń ardagerleri, tyl eńbekkerleri jáne ózge de adamdar «Uly Otan soǵysyndaǵy Jeńiske 80 jyl» biryńǵaı merekelik medalimen nagradtalsyn.

4. Osy Jarlyq resmı jarııalanǵan kúninen bastap qoldanysqa engiziledi.