جاڭالىقتار
پرەزيدەنت جوعارعى سوت توراعاسىن قابىلدادى
فوتو: اقوردا
پرەزيدەنتكە سوت جۇيەسى قىزمەتىنىڭ بىلتىرعى قورىتىندىلارى تۋرالى مالىمەت بەرىلدى, دەپ جازدى qandastar.kz
اسلامبەك مەرعاليەۆتىڭ ايتۋىنشا, ازاماتتار مەن كاسىپكەرلەردىڭ قۇقىقتارىن, ەركىندىگىن جانە زاڭدى مۇددەلەرىن قورعاۋ, زاڭ ۇستەمدىگىن قامتاماسىز ەتۋ سوت جۇمىسىنىڭ باسىمدىعى سانالادى.
قاسىم-جومارت توقاەۆقا قارالعان ىستەر مەن ماتەريالدار سانىنىڭ ۇلعايعانى, سونداي-اق سوڭعى 5 جىلدا سوت تورەلىگىن جۇزەگە اسىرۋ ساپاسىنىڭ ەڭ جوعارى كورسەتكىشىنە (جەرگىلىكتى سوتتاردىڭ سوت اكتىلەرىنىڭ 98,9 پايىزى زاڭدى ءارى نەگىزى بار دەپ تانىلدى) قول جەتكىزىلگەنى جونىندە باياندالدى.
ازاماتتىق جانە اكىمشىلىك ىستەر بويىنشا سوتقا دەيىنگى تاتۋلاسۋ راسىمدەرى كوپتەپ قولدانىلىپ جاتىر. القابيلەردىڭ قۇزىرەتى كەڭەيىپ, ولار قارايتىن ىستەردىڭ سانى (147-دەن 261-گە دەيىن) ەكى ەسەگە ءوستى.
جوعارعى سوت توراعاسى سالاعا جاساندى ينتەللەكت تەحنولوگيالارىن ەنگىزۋ جايىندا ايتتى. بۇل ءادىس بىركەلكى سوت پراكتيكاسىن قالىپتاستىرۋعا, سۋديالاردىڭ جۇمىسىن ايتارلىقتاي جەڭىلدەتۋگە ىقپال ەتەدى (ماتەريالدار مەن ىستەردىڭ ۇشتەن ءبىر بولىگى, ياعني 2 ميلليون ءىستىڭ 665 مىڭى روبوتتى تەحنيكانى قولدانۋ ارقىلى قارالدى).
اسلامبەك مەرعاليەۆ سۋديالاردىڭ دەربەستىگىن نىعايتۋ مەن اكىمشىلىك ادىلەت سالاسىن كەڭەيتۋگە باعىتتالعان زاڭ شىعارۋ باستامالارى, سونداي-اق كاسساتسيالىق سوتتار قۇرۋ تۋرالى حاباردار ەتتى.
مەملەكەت باسشىسى زاڭ ۇستەمدىگىن قامتاماسىز ەتۋدىڭ جانە قوعامنىڭ سوتتارعا سەنىمىن ارتتىرۋدىڭ ماڭىزىن اتاپ ءوتتى.
