Jańalyqtar
Prezıdent Joǵarǵy Sot tóraǵasyn qabyldady
Foto: Aqorda
Prezıdentke sot júıesi qyzmetiniń byltyrǵy qorytyndylary týraly málimet berildi, dep jazdy qandastar.kz
Aslambek Merǵalıevtiń aıtýynsha, azamattar men kásipkerlerdiń quqyqtaryn, erkindigin jáne zańdy múddelerin qorǵaý, zań ústemdigin qamtamasyz etý sot jumysynyń basymdyǵy sanalady.
Qasym-Jomart Toqaevqa qaralǵan ister men materıaldar sanynyń ulǵaıǵany, sondaı-aq sońǵy 5 jylda sot tóreligin júzege asyrý sapasynyń eń joǵary kórsetkishine (jergilikti sottardyń sot aktileriniń 98,9 paıyzy zańdy ári negizi bar dep tanyldy) qol jetkizilgeni jóninde baıandaldy.
Azamattyq jáne ákimshilik ister boıynsha sotqa deıingi tatýlasý rásimderi kóptep qoldanylyp jatyr. Alqabılerdiń quzyreti keńeıip, olar qaraıtyn isterdiń sany (147-den 261-ge deıin) eki esege ósti.
Joǵarǵy Sot tóraǵasy salaǵa jasandy ıntellekt tehnologııalaryn engizý jaıynda aıtty. Bul ádis birkelki sot praktıkasyn qalyptastyrýǵa, sýdıalardyń jumysyn aıtarlyqtaı jeńildetýge yqpal etedi (materıaldar men isterdiń úshten bir bóligi, ıaǵnı 2 mıllıon istiń 665 myńy robotty tehnıkany qoldaný arqyly qaraldy).
Aslambek Merǵalıev sýdıalardyń derbestigin nyǵaıtý men ákimshilik ádilet salasyn keńeıtýge baǵyttalǵan zań shyǵarý bastamalary, sondaı-aq kassaııalyq sottar qurý týraly habardar etti.
Memleket basshysy zań ústemdigin qamtamasyz etýdiń jáne qoǵamnyń sottarǵa senimin arttyrýdyń mańyzyn atap ótti.
