پرەزيدەنتتىڭ جەكە موبيلوگرافى بولۋ: كرەاتيۆتى جاستارعا بايقاۋ جاريالاندى

فوتو: istockphoto.com

ەلىمىزدە ەڭ جاس جانە كرەاتيۆتى موبيلوگراف مەملەكەت باسشىسى قاسىم-جومارت توقاەۆتىڭ ءبىر كۇندىك جەكە موبيلوگرافى بولا الادى. بۇل تۋرالى تانىمال بلوگەر قىران تالاپبەك Instagram پاراقشاسىندا جازدى, دەپ حابارلايدى Azattyq Rýhy.

ول ءوز سوزىندە بۇل جاڭا كاسىپ ەلىمىزدىڭ تاريحىن جاسايتىن تاريحي كەزەڭ ەكەنىن ايتتى.

«قۇرمەتتى, حانىمدار مەن مىرزالار, بارلىق شاكىرتتەرىمىز بەن موبيلوگرافتار, كونتەنتمەيكەرلەر! ۆيدەولارىڭىزدى تيكتوك جانە ينستاگرامعا #nomadgamesfest سالىڭىز.

كوشپەندىلەر ويىندارىنا ارنالعان ەڭ كرەاتيۆتى پرومو-روليك ءتۇسىرىپ, ونى الەۋمەتتىك جەلىلەرگە, WhatsApp, Telegram-عا #nomadgamesfest حەشتەگىمەن جاريالاڭىز. بۇل – ءسىزدىڭ ءوزىڭىزدىڭ قابىلەتتەرىڭىزدى كورسەتىپ, كەرەمەت سىيلىقتار ۇتىپ الاتىن مۇمكىندىگىڭىز!» – دەپ جازدى قىران تالاپبەك.

ال جەڭىمپازدارعا مىنانداي سىيلىقتار بەرىلەدى:

– گران-پري:

• پرەزيدەنتتىڭ جەكە موبيلوگرافى بولۋ,
• iPhone 15 Pro Max,
• MOBILOGRAPHY BOX (جارىق, ميكروفون),
• + 1 000 000 تەڭگە.

2-ورىن – 1 000 000 تەڭگە.

3-ورىن – iPhone 15 Pro Max.

4-ورىن – 500 000 تەڭگە.

5-15-ورىندار – MOBILOGRAPHY box (جارىق جانە ميكروفوندار).

16-20-ورىندار – موبيلوگرافيا كۋرسى (ونلاين وقۋ).

21-100-ورىندار – جەكە ماداقتامالار.

101-150-ورىندار – ارنايى سەرتيفيكاتتار.

بولەك 50 ورىن.

«ءسىزدىڭ ۆيدەوڭىز الەۋمەتتىك جەلىدە 100 000 جيناعان قارالىمىڭىز ءۇشىن – 50 000تگ سىيلىققا. (TikTok, Instagram)

قاتىسۋشىلاردى 1 قىركۇيەككە دەيىن قابىلدايمىز, ال جەڭىمپازداردى 9 قىركۇيەكتە انىقتايمىز.

قاتىسىڭىزدار, تاريحتى بىرگە جاسايىق!» – دەپ جازدى موبيلوگراف.