جاڭالىقتار
پروكۋراتۋرا ارالاسقاننان كەيىن جاتاقحانا ۋنيۆەرسيتەتكە قايتارىلدى
الماتى قالاسىنىڭ اۋدان پروكۋراتۋراسى ق. ساتباەۆ اتىنداعى قازۇتزۋ (كازنيتۋ) جاتاقحاناسىن قايتاردى, دەپ حابارلايدى Qandastar.kz اقپاراتتىق پورتالى BAQ.KZ سايتىنا سىلتەمە جاساپ.
تۇركسىب اۋدانىنىڭ پروكۋراتۋراسى «ق.ساتباەۆ اتىنداعى قازاق ۇلتتىق تەحنيكالىق زەرتتەۋ ۋنيۆەرسيتەتى» كەاق مۇلكىن زاڭسىز يەلىكتەن شىعارىلعانىن انىقتادى.
تۇرعىن-ءۇي الاڭىنىڭ جەتىسپەۋشىلىگىنە قاراماستان, ۋنيۆەرسيتەتتىڭ بۇرىنعى باسشىلىعى ءتيىستى تەندەر ۇيىمداستىرماستان جانە وتكىزبەستەن جالپى اۋدانى 2500 م2 استام جاتاقحانانى جەكە جوو-عا زاڭسىز جالعا پايدالانۋىنا بەرگەن.
كەيىننەن مامىلە جاساسۋ كەزىندە قولدانىستاعى زاڭناما تالاپتارىن بۇزا وتىرىپ جوو وسى ءۇي-جايدى ساتىپ العان.
بۇگىنگى تاڭدا اكىمشىلىك كورپۋستىڭ جاتاقحاناسى ماقساتىنا قاراي پايدالانىلماي, بيزنەستىڭ ءتۇرلى سالالارىنىڭ قىزمەت كورسەتۋىنە جالعا بەرىلۋدە.
سوتتاردىڭ زاڭدى كۇشىنە ەنگەن شەشىمدەرىمەن, تۇركسىب اۋدانى پروكۋراتۋراسىنىڭ تالاپ-ارىزى بويىنشا داۋلى اكىمشىلىك عيماراتى ۇلتتىق ۋنيۆەرسيتەتكە قايتارىلدى.
