پۋتين شۇعىل تۇردە قاۋىپسىزدىك كەڭەسىن شاقىردى – باق

ۋكراينا اسكەرى كۋرسك وبلىسىنا شابۋىل جاسادى

رەسەي باق حابارلاۋىنشا, قاۋىپسىزدىك كەڭەسىنىڭ جينالىسى باستالار الدىندا پۋتين استانا ۋاقىتىمەن ساعات 15:00-دە ۇكىمەت مۇشەلەرىمەن جينالىس وتكىزەدى. بۇل جەردە قانداي ماسەلەنىڭ تالقىلاناتىنى ازىرشە بەلگىسىز. ال ءبىر ساعاتتان كەيىن بولاتىن قاۋىپسىزدىك كەڭەسىنىڭ وتىرىسىندا كۋرسك وبلىسىنداعى جاعداي تالقىلانادى. قولدا بار مالىمەتكە قاراعاندا, كەشەدەن بەرى ۋكراينانىڭ قارۋلى كۇشتەرى رەسەي فەدەراتسياسىنىڭ كۋرسك وبلىسىنا باسىپ كىرىپ, 11 ەلدى مەكەندى باسىپ العان.

اتوم ەلەكتر ستانساسى ورنالاسقان قالادا جويقىن جارىلىس بولدى

قازىر كۋرسك مەن سۋدجە قالالارىنىڭ حالقى جاپپاي قاۋىپسىز جەرگە كوشىرىلىپ جاتىر. سۋدجە قالاسىنىڭ مەرى ۆيتالي سلاششەۆ ۋكراينا اسكەرى قالانى كۇنى-ءتۇنى توقتاۋسىز اتقىلاپ جاتقانىن حابارلادى.

ۋكراينا ساربازدارى كۋرچاتوۆ قالاسىن دا نىساناعا الىپ جاتىر. بۇل قالادا اتوم ەلەكتر ستانساسى ورنالاسقان. سوعان قاراماستان قالادا بىرنەشە جارىلىس بولعان.

ۋكراينا قارۋلى كۇشتەرى پولكوۆنيگى, باس شتابتىڭ ءباسپاسوز قىزمەتىنىڭ بۇرىنعى باسشىسى ۆلاديسلاۆ سەلەزنيوۆتىڭ ايتۋىنشا, اسكەردىڭ رەسەي تەرريتورياسىنا قارسى شابۋىلىن ودان ءارى بەلگورود پەن بريانسك وبلىستارىندا جالعاستىراتىن بولادى. ول رف ارمياسىنىڭ ۋكراينانىڭ سۋم وبلىسىنا شابۋىل توقتاتۋ ءۇشىن ارنايى جاسالىپ وتىر.

شىلدە ايىندا ۋكراينا اسكەرى العاش رەت رەسەي اۋماعىندا دروندارمەن كوپ سوققى جاساعان بولاتىن.