Pýtın Ýkraınaǵa eshqandaı shartsyz tikeleı kelissózder ótkizýdi usyndy

Foto: RBK

Reseı Federaııasynyń prezıdenti Vladımır Pýtın Ýkraınaǵa eshqandaı shart qoımastan tikeleı kelissózder júrgizýdi usyndy. Bul týraly  qandastar.kz saıty RBK portalyna silteme jasap habarlaıdy.

Pýtınniń aıtýynsha, Reseı mundaı dıalogty 15 mamyrda-aq Ystambulda bastaýǵa daıyn.

«Prezıdent Erdoǵanmen sóılesemiz dep josparlap otyrmyz. Odan osy kelissózderdi ótkizý múmkindigin suraımyn», – dedi Reseı kóshbasshysy.

Sondaı-aq Pýtın Ýkraına men Eýropa elderiniń 30 kúndik bitim týraly usynysynan bas tartyp, ýltımatýmdy qabyldamaǵanyn jáne óz sharttaryn qoıǵanyn aıtty.

«Bizdiń usynystarymyz ústelde jatyr, sheshimdi Ýkraına men olardyń eýropalyq kýratorlary qabyldaýy kerek», – dedi ol.

Budan bólek Reseı úsh kúndik mamyr bitimin Kıevtiń áreketine qaraı uzartýdy joqqa shyǵarmaıtynyn málimdedi.

Málimdeme álemdik buqaralyq aqparat quraldaryn dúrliktirdi. Stan.kz tanymal basylymdardyń keıbireýiniń reakııasyn jınady. NBC Pýtın qoldanǵan tujyrymdar onyń «uzaq merzimdi saldary bolatynyn, sonyń ishinde turaqty beıbitshilikke baǵyttalǵan mańyzdy kelissózder júrgizýge nıeti bar ekenin» kórsetedi dep esepteıdi. GuardianReseı basshysynyń úndeýin «eýropalyq kóshbasshylardyń 30 kúndik bitim týraly ýltımatýmyna Reseıdiń jaýaby» dep sıpattady.

Al Reuters agenttigi Pýtınniń «jańa bitim nemese atysty toqtatý týraly kelisimder» múmkindigin joqqa shyǵarmaıtynyn atap ótti. Biraq mundaı kelisim «turaqty beıbitshilikke» bastar alǵashqy qadam bolýy kerek ekenin jetkizdi.

GB News bolsa Reseı prezıdentiniń málimdemesin mańyzdy oqıǵa dep baǵalap, onyń Ýkraınamen yqtımal kelissózderge «negiz qalaǵanyn» jazdy. The Sun basylymy da Pýtın «kelissózderge jol ashty» dep málimdedi.

Washington Examinerbasylymynyń pikirinshe, Pýtınniń sózi «atysty toqtatýǵa ıshara jasady» dep boljaıdy. Al ıspanııalyq Vanguardiagazeti Pýtın «30 kúndik bitimdi ashyq túrde qabyldaǵan joq» dep atap ótti. Bul pikirdiEl Mundo basylymy da qýattaıdy. BAQ ókili Reseı prezıdenti eýropalyq usynysqa naqty jaýap bermedi dep esepteıdi.