«پىشاق جۇرەك تۇسىنا تيگەن»: الماتىدا دزيۋدودان الەم چەمپيوناتىنىڭ جۇلدەگەرىن ءبىر توپ ادام سوققىعا جىقتى

فوتو: ۆيدەودان سكرين

الماتىدا دزيۋدودان الەم چەمپيوناتىنىڭ جۇلدەگەرى دامير يساحانوۆقا ءبىر توپ ادام شابۋىل جاسادى. بۇل تۋرالى Stan.kz اقپارات اگەنتتىگى ەgovpress Telegram-ارناسىنا سىلتەمە جاساپ حابارلايدى.

پىشاق سوققىلارىنىڭ ءبىرى سپورتىشىنىڭ جۇرەك ايماعىنا تيگەن. باقىتىمىزعا وراي, سپورتشى امان قالدى.

ال المالى اۋداندىق پوليتسيا ءبولىمىنىڭ قىزمەتكەرلەرى قىلمىستىق ءىس قوزعادى.

«اتالعان ىسكە قاتىستى قىلمىستىق ءىس قوزعالدى. كۇدىكتى ۇستالىپ, پوليتسياعا جەتكىزىلدى. سوتقا دەيىنگى تەرگەۋ امالدارى جۇرگىزىلىپ جاتىر», – دەلىنگەن پوليتسيا حابارلاماسىندا.

قالالىق پوليتسيا دەپارتامەنتىنىڭ مالىمەتىنشە, باسشىلىق تەرگەۋ بارىسىن ءجىتى قاداعالاپ وتىر.

دامير يساحانوۆ – قازاقستاننىڭ سپورت شەبەرى. دزيۋدودان جاستار اراسىنداعى ازيا چەمپيونى, جاستار اراسىنداعى الەم چەمپيوناتىنىڭ قاتىسۋشىسى.

ايتا كەتەيىك, بۇعان دەيىن 2023 جىلى الماتىدا فيتنەس جاتتىقتىرۋشىنى ءولتىرىپ كەتكەن ەدى.