«Pyshaqpen qýǵan»: Aqnár Gúlistan qaza tapqan kúni páterde bolǵan Dıdar óz shyndyǵyn aıtty

Aqnár Gúlistan kóz jumǵan kúni sol páterde bolǵan Dıdar Muqııat alǵash ret suhbat berdi, dep habarlady qandastar.kz

Jýrnalıst Rýslan О́tepbaımen áńgime barysynda Dıdar sol túndegi oqıǵa jaıynda ashyq aıtty. Ol Aqnárdiń stýdent kezinde jataqhanada qıyn jaǵdaılarǵa tap bolǵanyn, tipti keı qyzdardyń ony pyshaqpen qorqytqanyn eske aldy. Sol sebepti, Rano men Aqnár arasynda kelispeýshilik bastalǵanda, Dıdar qaýiptenip, dárethanaǵa jasyrynǵanyn jetkizdi. Sol jerden ol Aqnárdiń ápkesine habarlama jiberip, keıin jedel járdem shaqyrǵanyn aıtty.

Dıdardyń aıtýynsha, ol keshte Aqnárdiń ózi qyzdardy páterge shaqyryp, syra ishýge usynys jasaǵan. Áleýmettik jelilerde tarap ketken vıdeo sol túnniń tek bir úzigi ǵana ekenin jáne ondaǵy «zorlyq-zombylyq» kórinisteri konteksten tys ekenin málimdedi. Onyń sózinshe, kerisinshe, qyzdar Aqnárdi sabyrǵa shaqyrýǵa tyrysqan.

Oqıǵanyń damýyn baıandaǵan Dıdar, artynsha eki qyzdyń basqa bólmelerge ketkenin, biraq biraz ýaqyttan keıin olar Aqnárdi taba almaı, terezege jaqyndaǵanda onyń sekirip ketkenin baıqap qalǵanyn aıtty.