جاڭالىقتار
QazaqGaz تاۋارلىق گازدىڭ قۇنىن كوتەرۋدى كوزدەپ وتىر
فوتو: اشىق دەرەككوز
QazaqGaz تاريفتەرىن كوتەرۋى مۇمكىن. «سامۇرىق-قازىنا»اق باسقارما توراعاسى نۇرلان جاقىپوۆ قور مەملەكەتتىك ورگاندارمەن QazaqGaz تاريفتەرىن كوتەرۋ ماسەلەسىن تالقىلاپ جاتقانىن مالىمدەدى, دەپ حابارلادى kursiv Qandastar.kz سىلتەمە جاساپ. دەگەنمەن حالىقتىڭ الەۋمەتتىك وسال توپتارى ءۇشىن گاز ارزانداتىلعان باعامەن ساتىلادى.
«QazaqGaz گازدى حالىق پەن بيزنەسكە ساتادى. گازدىڭ تەكشە مەترىن 32 تەڭگەدەن الىپ, 23 تەڭگەدەن ساتادى. ياعني, ءاربىر تەكشە مەترى ءۇشىن 10 تەڭگەگە جۋىق شىعىنعا ۇشىرايدى. ءار مىڭ تەكشە مەتر گاز ءۇشىن QazaqGaz 20 دوللار جوعالتادى. سونداي-اق بارلىعىنا سۋبسيديا بەرەدى. بىراق QazaqGaz-دا قىزمەت كورسەتەتىن گاز تاسىمالداۋ ماگيسترالدارى بار. ەگەر كومپانيا ءوزى شىعىنعا ۇشىراسا, ونىڭ جابدىقتارىن جوندەۋ ءۇشىن اقشا الاتىن جەرى بولماي قالادى», – دەدى جاقىپوۆ.
جاقىپوۆتىڭ سوزىنشە, بۇگىندە «سامۇرىق-قازىنا» قورى جاۋاپتى ۆەدومستۆومەن بىرگە تاريفتەردى كوتەرۋ بويىنشا جۇمىس جۇرگىزىپ جاتىر. باسقارما توراعاسى تاريفتەردىڭ ناقتى قانشاعا كوتەرىلەتىنىن ايتا المادى. الايدا گازدىڭ وزىندىك قۇنىن جابۋى جانە كومپانياعا گاز تاسىمالداۋ جەلىسىنە جوسپارلى پروفيلاكتيكالىق جوندەۋ جۇمىستارىن جۇرگىزۋگە مۇمكىندىك بەرۋى اسا ماڭىزدى ەكەنىن ايتادى.
«بۇل جۇمىس ماڭىزدى جانە قاجەت. ءبىز ونى جۇزەگە اسىرامىز. بىراق مۇنىڭ بارلىعىن ءبىز ينفلياتسيا دالىزىندە بولۋ ءۇشىن جان-جاقتى سارالاپ, بايىپتى تۇردە جاسايتىن بولامىز. سونىمەن قاتار, قازىر «الەۋمەتتىك ءاميان» جوباسىن پيلوتتىق رەجيمدە سىناقتان وتكىزىپ جاتىرمىز. تسيفرلىق فورماتتا الەۋمەتتىك توپتار گازدىڭ ارنايى باعاسىن الادى, ال ءادىل ءتاريفتى تولەي الاتىندار مۇنى جاسايدى», – دەپ ءتۇسىندىردى جاقىپوۆ.
QazaqGaz 2021–2025 جىلدارعا ارنالعان جەكەشەلەندىرۋ جوسپارىنا ەنگىزىلگەن. وسى جوسپارعا سايكەس كومپانيا 2025 جىلى IPO-عا شىعۋى ءتيىس. جاقىپوۆ QazaqGaz قور نارىعىنا شىعۋ-شىقپاۋىن ءدوپ باسىپ ايتا المادى, بىراق بۇل ءۇشىن ءادىل تاريف ورناتۋ قاجەت ەكەنىن ايتادى.
«ءبىز وسى باعىتتا جۇمىس جۇرگىزىپ جاتىرمىز. IPO ناتيجەلى بولۋىنا بىرنەشە فاكتور اسكەر ەتەدى. ماسەلەن, ماكروورتادان, تاريفتەردى بەلگىلەۋدەن جانە IPO-عا ۇمىتكەر شىعاراتىن قىزمەتتەر مەن تاۋارلاردىڭ باعاسى سىندى بىرنەشە فاكتىلەر وڭ ناتيجەلى بولۋى قاجەت. ياعني, قولايلى ماكروورتا قولايلى بولسا, ءبىز جوسپارىمىزعا ساي ارەكەت ەتەتىن بولامىز», – دەدى ول.
ايتا كەتەيىك, QazaqGaz 100% «سامۇرىق-قازىنا» قورىنا تيەسىلى. 2024 جىلدىڭ ءبىرىنشى جارتىجىلدىعىندا كومپانيا 141,3 ملرد تەڭگە پايدا تاپقان.
ەسكە سالساق, QazaqGaz Aimaq كومپانياسى ءوز اكتسيونەرى – QazaqGaz-دان 509,1 ملرد تەڭگەگە 19 ملرد تەكشە مەتر گاز ساتىپ الاتىنى جايلى حابارلادى. 1 تەكشە مەتر گاز باعاسى 26,79 مىڭ تەڭگەدەن ساتىلادى
