«راحمەت اعا»: ەر ادام ەسەنتاي وزەنىنە باتىپ بارا جاتقان بالانى قۇتقاردى

فوتو: اشىق دەرەككوز

الەۋمەتتىك جەلىدە جۇرگەن ۆيدەودان بايقاعانىمىز داي, وقيعا الماتى قالاسىنداعى ەسەنتاي وزەنىندە ورىن العان, دەپ حابارلايدى Qandastar.kz.

ەر ادام سۋعا قۇلاپ كەتكەن بالانىڭ «كومەكتەسىڭىزشى» دەگەن ءسوزىن ەستىگەندە, ويلانباستان سۋعا سەكىردى. جىگىت ۇستىندەگى كيىمىن, سومكەسىن, ءتىپتى كوزىلدىرىگىن دە شەشپەگەنىن كورۋگە بولادى.

بالانىڭ «كومەكتەسىڭىزشى! راحمەت, اعا» دەگەن ءسوزىن ەستۋگە بولادى.

جەلى قولدانۋشىلارى ويلانباستان كومەككە جۇگىرگەن جىگىتكە العىسىن جاۋدىردى. قۇتقارۋشى بالانى كوپ ۇزاماي ەسىمى بەلگىلى بولدى. ەسىمى – اليحان ساكەن ۇلى. جاسى – 25-تە. قىزىلوردا قالاسىنىڭ تۇرعىنى.

– بارلىعىڭىزعا راحمەت. سىزدەرگە دە اللانىڭ نۇرى جاۋسىن! مەنىڭ ورنىمدا باسقا ءبىر ادام بولعاندا دا ءدال وسىلاي جاسار ەدى. كەز كەلگەن ادام العاشقى كومەك جاساۋعا كومەگىن ايامايتىن ەدى, – دەپ جازدى ول.