جاڭالىقتار
رەسەي دەلەگاتسياسى 15 مامىردا ىستامبۇلعا كەلەدى: قۇرامى جاريالانبادى
فوتو: سەرگەي كارپۋحين/ تاسس
رەسەي وكىلدەرى 15 مامىر كۇنى ىستامبۇلعا كەلەدى جانە سول جەردە ۋكراين تاراپىن كۇتەدى. بۇل تۋرالى رەسەي پرەزيدەنتىنىڭ ءباسپاسوز حاتشىسى دميتري پەسكوۆ مالىمدەدى, دەپ جازدى qandastar.kz سايتى Ria.ru پورتالىنا سىلتەمە جاساپ.
ۋكراينا پرەزيدەنتى ۆلاديمير زەلەنسكي بۇعان دەيىن تۇركيا پرەزيدەنتى رەجەپ تايىپ ەردوعانمەن انكارادا كەزدەسۋ تۋرالى كەلىسىم جاساعانىن ايتقان ەدى. ەگەر ۆلاديمير پۋتين تۇركيا استاناسىنا بارۋدان باس تارتىپ, ىستامبۇلدى تاڭداسا, وندا زەلەنسكي مەن ەردوعان دا سول جاققا بارۋعا دايىن ەكەنىن مالىمدەدى.
ء«بىز بۇل كەزدەسۋدىڭ پۋتينمەن ءوتۋى ءۇشىن بارلىعىن جاسايمىز. اتىستى توقتاتۋ تۋرالى شەشىمدى تەك ول عانا قابىلداي الادى», – دەپ اتاپ ءوتتى ۋكراينا باسشىسى.
رەسەي مەن ۋكراينا اراسىنداعى كەلىسسوزدەرگە اقش مەملەكەتتىك حاتشىسى ماركو رۋبيو دا قاتىساتىنى بەلگىلى بولدى. بۇل تۋرالى دونالد ترامپ ساۋد ارابياسىنداعى ينۆەستيتسيالىق فورۋمدا ايتتى. اقش پرەزيدەنتى كەلىسسوزدەردەن «وتە جاقسى ناتيجەلەر» كۇتەتىنىن دە جەتكىزدى.
ەسكە سالايىق, 11 مامىردا رەسەي فەدەراتسياسىنىڭ پرەزيدەنتى ۆلاديمير پۋتين ۋكرايناعا ەشقانداي شارت قويماستان تىكەلەي كەلىسسوزدەر جۇرگىزۋدى ۇسىنعان ەدى. رەسەي تارابى مۇنداي ديالوگتى 15 مامىردا-اق ىستامبۇلدا باستاۋعا دايىن ەكەنىن جەتكىزدى.
