الەم جاڭالىقتارى
رەسەي ۋكراينانىڭ ءۇش وبلىسىنا شابۋىل جاساماقشى – زەلەنسكي
فوتو: اشىق دەرەككوز
ۋكراينا بارلاۋ قىزمەتىنىڭ دەرەگىنشە, رەسەي ۋكراينانىڭ سۋمى, حاركوۆ جانە زاپوروجە وبلىستارىنا جاڭا شابۋىلدار جاساۋعا دايىندالۋ ۇستىندە. بۇل تۋرالى ۆلاديمير زەلەنسكي پاريجدە ەۋروپا ەلدەرىنىڭ باسشىلارىمەن وتكەن كەزدەسۋدە ايتتى, دەپ جازدى qandastar.kz
«رەسەي كەلىسسوزدەردى سوزىپ, اقش-تى وتىرىك شارتتار تۋرالى ءمان-ماعىناسىز تالقىلاۋلارعا تارتۋعا تىرىسىپ كەلەدى. وسىلايشا ۋاقىت جاعىنان ۇتىپ, جاڭا جەرلەردى باسىپ الماقشى. پۋتين كەلىسسوزدەردى مىقتى باسىمدىققا يە بولۋ ارقىلى باستاۋدى قالايدى. ول سوعىستى عانا ويلاپ وتىر», — دەدى ۋكراينا پرەزيدەنتى.
سوزىنشە, دونەتسك وبلىسىنداعى احۋال تۇراقتاندى. ەلدىڭ شىعىس بولىگىن قورعاۋ ماقساتىندا رەسەيدىڭ كۋرسك وبلىسىنداعى وپەراتسيالار جالعاسىپ جاتىر. ۋنيان-نىڭ حابارلاۋىنشا, زەلەنسكي قولداۋ كورسەتكەنى ءۇشىن فرانتسيا, ۇلىبريتانيا جانە باسقا دا ەلدەرگە العىس ءبىلدىردى.
atamekenbusiness_qaz حابارلاعانداي, 27 ناۋرىزدا فرانتسيا استاناسىندا ۋكراينا ماسەلەسى بويىنشا ەۋروپا كوشباسشىلارىنىڭ ءسامميتى ءوتتى.
