Álem jańalyqtary
Reseı úshin soǵysqan qazaqstandyq er adam Pýtınnen azamattyq berýdi surady
Foto: skrın vıdeo
Qazaqstandyq Petr Mıroshnıchenko Ýkraınaǵa qarsy soǵysqa qatysqany úshin elge qaıta almaı júr. Ol endi prezıdent Vladımır Pýtınten Reseı azamattyǵyn berýdi surady. Bul týraly qandastar.kz habarlaıdy.
Aqmola oblysynyń 41 jastaǵy turǵyny Petr Mıroshnıchenko eki jyl buryn Reseı jaǵynda kelisimshart boıynsha soǵysý úshin Vladımır qalasyna kelgen. 2023 jyly jeltoqsanda onyń qujattarynyń merzimi bitkendikten, deportaııalandy.
«Qazaqstanda UQK qyzmetkerleri elden ketýge bir aı ýaqyt berdi. Men muny zańdy túrde jasaı almadym, óıtkeni ótinishim qanaǵattandyrylmady. Sondyqtan Reseı shekarasyn zańsyz kesip ótip, onda shekara qyzmetiniń ofıerleri ustap aldy», – dedi Mıroshnıchenko.
Stan.kz jazǵandaı, Reseı soty Mıroshnıchenkoǵa Reseı Federaııasyna zańsyz kirgeni úshin 10 myń rýbl (50 myń teńgedeı) aıyppul saldy. Sot ony elden shyǵarý týraly sheshim shyǵardy. Soǵan qaramastan, 2024 jyldyń jazynda er adam «Vostok» eriktiler jasaǵymen kelisimshartqa otyryp, Ýkraınaǵa soǵysqa attanady. Alty aıdan keıin ol Reseıge oralyp, bıýrokratııalyq máselelerge tap boldy.
«Men Qazaqstanǵa orala almaımyn, óıtkeni ol jerde arnaıy áskerı operaııaǵa qatysqanym úshin uzaq merzimge bas bostandyǵynan aıyrylamyn. Resmı túrde Reseı aýmaǵynda da bola almaımyn, óıtkeni tyıym salý jáne deportaııalaý týraly qaýly bar. Sondyqtan azamattyq alýǵa kómektesýińizdi suraımyn. Men Reseı azamattyǵyn alýǵa laıyq ekenimdi is-áreketimmen dáleldedim dep oılaımyn», – dedi Petr Mıroshnıchenko.
Birge soǵysqa qatysqan jigitter Pýtınnen deportaııany toqtatyp, Mıroshnıchenkoǵa Reseı tólqujatyn berýdi suraǵan. Sózderinshe, aqmolalyq er adam mına alańdary men ýkraındyqtardyń kedergilerin tazartýmen aınalysqan. Soǵys kezinde ol ózin «Reseıdiń taǵdyryna alańdaıtyn» adam retinde kórsetti deıdi.
Qazaqstanda “Jaldamalylyq” baby boıynsha 7 jyldan 12 jylǵa deıin bas bostandyǵynan aıyrý jazasy qarastyrylǵan. Qylmys ólimge nemese ózge de aýyr zardaptarǵa ákep soqtyrsa, Qazaqstan azamattyǵynan aıyra otyryp, 15 jyldan 20 jylǵa deıin bas bostandyǵynan aıyrady.
