ءبىلىم
رەسەيدە ورىس ءتىلىن بىلمەيتىن ميگرانتتاردىڭ بالالارىنا مەكتەپتەردە وقۋعا تىيىم سالىنباق
فوتو: pixabay.com
رەسەيدە ورىس ءتىلىن بىلمەيتىن ميگرانتتاردىڭ بالالارىنا مەكتەپتەردە وقۋعا تىيىم سالىنباق. بۇل تۋرالى qandastar.kz Stan.kz اقپارات اگەنتتىگىنە سىلتەمە جاساپ حابارلايدى.
رەسەي مەملەكەتتىك دۋماسىنىڭ توراعاسى ۆياچەسلاۆ ۆولودين اكىمشىلىك قۇقىق بۇزۋشىلىقتار تۋرالى كودەكسكە كوشى-قون سالاسىنداعى قۇقىق بۇزۋشىلىقتار ءۇشىن جاۋاپكەرشىلىككە قاتىستى تۇزەتۋلەر جوباسى ازىرلەنگەنىن مالىمدەدى.
زاڭ جوباسى قابىلدانعان جاعدايدا جىل سوڭىنا دەيىن زاڭسىز كوشى-قونمەن كۇرەسۋ ءۇشىن 13 زاڭ كۇشىنە ەنمەك.
قاۋلى اياسىندا دەپۋتاتتار رەسەي ۇكىمەتىنە ەڭبەك كوشى-قونى جانە ميگرانتتارمەن بىرگە كەلگەن وتباسىلار بويىنشا ۇسىنىستار جولداماق.
قاۋلى جوباسىندا ميگرانتتاردىڭ بالالارىن مەكتەپكە قابىلداۋ كەزىندە ولاردىڭ رەسەي اۋماعىندا بولۋ زاڭدىلىعىن جانە ورىس ءتىلىن ءبىلۋ دەڭگەيىن تەكسەرۋ قاجەت دەگەن ۇسىنىس بار.
سونداي-اق ءبىلىم بەرۋ ۇيىمدارىنا ورىس ءتىلىن بىلەتىنىن راستايتىن قۇجاتسىز قابىلداۋعا تىيىم سالۋ جوسپارلانۋدا.
ء«بىز قۇقىق قورعاۋ سالاسىنداعى قاجەتتى قادامداردى تالدادىق جانە شەشىلۋى ءتيىس پروبلەمالىق ماسەلەلەرگە نازار اۋداردىق», – دەدى ۆياچەسلاۆ ۆولودين.
