جاڭالىقتار

رەسەيدە سوڭعى ءجۇز جىلدا بولماعان سۋ تاسقىنى ورىن الۋدا

 

رەسەيدە سوڭعى ءجۇز جىلدا بولماعان سۇمدىق الاپات سۋ تاسقىنى بولىپ جاتىر. ورىنبوردىڭ تاريحىندا بۇنداي جويقىن سۋ باسۋ تىركەلمەپتى. ءدال قازىرگى ساتتە ورىنبور وبلىسىندا سۋ باسقان ۇيلەردىڭ سانى 6,3 مىڭعا جۋىق, ورسكىدە 4,5 مىڭ ۇيگە دەيىن ءوستى, دەپ حابارلادى رف جەدەل قىزمەتتەرى. وبلىستا 4 ادام سۋعا كەتىپ قايتىس بولعان. بىراق, جەرگىلىكتى بيلىك ەكەۋى ينفاركتەن, بىرەۋى سۋيتسيد جاساپ ولسە,بىرەۋى ءوز اجالىنان ولگەن دەپ وتىر.

تاسقىننىڭ قاتتى بولعانى سونشا, وبلىستاعى كەيبىر جولداردى 15-ءشى ساۋىرگە دەيىن جاۋىپ تاستاعان.

ورىنبور وبلىسىنداعى ۋرال (جايىق) وزەنىنىڭ دەڭگەيى 11 مەترگە جەتتى. باشقۇرتستان مەن چەليابى وبلىسىنان يريكلينسكوە سۋ قويماسىنا ەرىگەن قار سۋىنىڭ اعىنى ازداپ ازايدى, بىراق ءالى دە رەكوردتىق كورسەتكىشتى ۇستاپ تۇر. سول سەبەپتى قويمادان سۋ اعىزۋدىڭ كولەمى ازايمايدى – سەكۋندىنا 2170 تەكشە مەتر. سوروچينسكوە سۋ قويماسىندا سۋ اعىزۋ سەكۋندىنا 690-دان 650 تەكشە مەترگە دەيىن تومەندەدى. سۋ اعىنى – سەكۋندىنا 643 تەكشە مەتر.

ورسك قالاسىندا جاپپاي كران سۋىنان ۋلانۋ جاعدايلارى تىركەلدى. ەكى كۇن ىشىندە 18 ادام اۋرۋحاناعا جاتقىزىلىپ, قالعاندارى امبۋلاتورلىق ەم الۋدا. ناۋقاس ادامداردان 2 ءتيپتى نوروۆيرۋس انىقتالدى.

ورسكىدەن باستالعان دۇربەلەڭ قازىر ورىنبورمەن جالعاسۋدا. تۇندە وبلىس ورتالىعىنىڭ ورتالىق جاعاجايىن سۋ باستى. بۇكىل ستانتسيالار شتاتتىق رەجيمگە كوشىرىلدى.

وڭعار قابدەن

وسى ايداردا

پىكىر ۇستەۋ

Close