جاڭالىقتار
رەسەيدە سۋ تاسقىنى تولاستاماي تۇر
رەسەيدە سۋ تاسقىنىنا قاتىستى احۋال ءالى دە كۇردەلى. قورعان وبلىسىندا توبىل وزەنىنىڭ دەڭگەيى شامامەن 6 مەترگە جەتكەن. سالدارىنان 3 اۋداندا 800 ءۇي مەن اۋماقتى سۋ باستى. 7 مىڭنان استام تۇرعىن قاۋىپسىز جەرگە كوشىرىلدى.
تاسقىنعا توسقاۋىل قويۋ ءۇشىن توتەنشە جاعدايلار مينيسترلىگىنىڭ وكىلدەرى ۇزىندىعى 2 شاقىرىم بولاتىن بوگەت تۇرعىزىپ, جاعالاۋدى بارىنشا نىعايتىپ جاتىر.
ورىنبور وبلىسىندا دا تاسقىنعا بايلانىستى جەرگىلىكتى حالىق جاپپاي ەۆاكۋاتسيالاندى.
وسى ۋاقىتقا دەيىن سۋ باسقان ايماقتاردان 16,5 مىڭنان اسا تۇرعىن كوشىرىلگەن. ونىڭ 5 مىڭعا جۋىعى بالا. رەسمي مالىمەت بويىنشا بۇكىل وبلىس بويىنشا 14 مىڭ ءۇيدى سۋ باسقان.
