Jańalyqtar
RESEIDE TASQYNNAN ZARDAP ShEKKENDERGE О́TEMAQY TО́LENEDI
Reseıde tasqynnan zardap shekken turǵyndarǵa 20 myń rýbl kóleminde ótemaqy tólenedi,
Halyqtyń alǵashqy legi materıaldyq kómekke birtindep qol jetkizip jatyr. Biraq aımaqtarda qaýip seıilmeı tur. Tasqyn bastalǵaly 370-ke jýyq eldi mekendi sý basqan. Jergilikti halyqty qutqarý jumystary jalǵasyp jatyr. Qorǵanda qaýip artyp keledi. Tobyl ózeninde sý deńgeıi 743 sm-ge jetip, 12 eldi meken sý astynda qalǵan. Taǵy 205 úı men 320 jer alqabyn basqan.
Mamandar Qorǵan qalasyn qosa alǵanda 7 mýnııpaldy okrýgtegi bas-aıaǵy 62 eldi meken qaýipti aımaqqa kiretinin eskertti. Qazir uzyndyǵy 30 shaqyrymǵa jetetin bógetti nyǵaıtý jumystary júrgizilip jatyr. Oǵan 200-den astam tehnıka men 14 myń maman tartylǵan. Sondaı-aq arnaıy brıgada Amýr aımaǵynan 20 sý quıatyn damba jetkizdi. Qazir turǵyndardy evakýaııalaý jumystary úzdiksiz jalǵasyp jatyr. Anastasııa Argysheva, Qorǵan qalasy meriniń mindetin atqarýshy: – Bizge kómek kerek. Sý, dári-dármek, kórpe-jastyq sekildi zattar qajet. Olardy ýaqytsha ortalyqtarǵa ákele berseńizder bolady. Sondaı-aq mamandarǵa kóbirek qap, kúrek, qolǵap kerek. Budan bólek, evakýaııalaýǵa járdemdesetin eriktilerdiń de kómegi artyq bolmaıdy. Orynbor jurtyn Jaıyqtyń jaıy alańdatyp otyr. Munda sý mólsheri rekordtyq deńgeıge jetip, 11 metrden asty.
78 eldi mekende 12 myńnan astam úı, 15 myńnan astam jer alqabyn topan sý basqan. Halyqty evakýaııalaý úshin 41 ýaqytsha baspana jumys istep tur. Onda 1400-den astam halyq qonystanǵan. Bala sany 300-ge jýyqtaıdy. Andreı Bespomestnyı, qoǵamdyq ortalyq dırektory: – Munda turmystyq hımııa, tósekjabdyq syndy kúnkóriske kerektiniń bári bar. Biz turǵyndardyń barlyǵyn qajetinshe qamtamasyz etemiz. Táýligine 3 ret ystyq tamaq beriledi. Aımaqta ınfraqurylymdy qalpyna keltirý úshin 40 mlrd rýbl qajet. Orynbor oblysynyń gýbernatory RF prezıdentine sońǵy esebinde osylaı dep málimdedi.
Al tasqynnan zardap shekken turǵyndarǵa 20 myń rýbl kóleminde ótemaqy tólenedi. Jergilikti halyq úkimetke qajetti qujattaryn ótkizip, materıaldyq kómek ala bastady.
