Reseılik Wildberries-ten 1,2 mıllıonǵa taýar alǵany úshin 10 jylǵa sottalmaq

Foto: Vıdeodan skrın

Reseılik qyz 10 jylǵa bas bostandyǵynan aıyrylýy múmkin, dep habarlady Qandastar.kz.

23 jastaǵy boıjetken atalǵan saıtqa 2023 jyldyń kókteminde tirkelgen. Tehnıkalyq aqaýǵa baılanysty onyń tapsyrysy saıtta jıi tólengen bolyp kórsetilgen.

Ol birinshi ret tólem jasamastan taýar alǵan. Odan eshqandaı aqsha talap etilmegen. Qunyqqan qyz qatelikke boı berip, qomaqty qarjyǵa tapsyrys berýin jalǵastyrǵan. Qyzdyń qalaýynyń ishinde iPhone uıaly telefonynan bastap, kıim-keshek, aıaq kıim, chemodan, altyn zergerlik buıymdar, oıyn konsolderi, parfıýmerııa, tósek-oryndaryna deıin bar. Osylaısha, orys qyzy saýdanyń býyna kirgen.

Jaqynda saıttaǵy qyzmetkerler qateni baıqap, qyzdyń akkaýntyn dereý buǵattady. Endi ol «Asa iri kólemdegi alaıaqtyq» baby boıynsha 10 jylǵa deıin bas bostandyǵynan aıyrylýy múmkin.