Rýslan Berdenov oqqa ushyp, aýrýhanada jatyr

Foto: remedial

21 sáýir kúni keshki saǵat 20:30 shamasynda Shymkent qalalyq ákimdiginiń mańynda qala ákiminiń orynbasary Rýslan Berdenovke qastandyq jasaldy, dep jazdy qandastar.kz 

Keıbir derekkózderge sensek, Shymkent qalasy ákimdigine qarasty «Turǵyn úı Shymkent» JShS-niń mamany Ernar Jıenbaıuly qala ákiminiń orynbasary Rýslan Berdenovke «Saıga-12» ańshy myltyǵynan úsh ret oq atqan. 

Oqıǵa ákimdik ǵımaratynyń mańynda bolyp, oq sheneýniktiń denesiniń tómengi bóligine tıgen. Berdenov aýyr jaraqat alǵan. Shuǵyl túrde aýrýhanaǵa jetkizilgen sheneýnikke qazir medıınalyq kómek kórsetilýde.

Quqyq qorǵaý organdaryndaǵy senimdi derekkózdiń habarlaýynsha, oq atqan azamat oqıǵa ornynda ustalǵan. 

Ertenmedia.kz oqıǵanyń mán-jaıyn anyqtaý maqsatynda Ishki ister mınıstrligine, Shymkent qalalyq polıııa departamentine, sondaı-aq Rýslan Berdenov múshesi bolyp tabylatyn «Respýblıka» partııasynyń baspasóz qyzmetine resmı saýal joldady.

Aıta keteıik, Rýslan Berdenov Shymkent qalasy ákiminiń orynbasary qyzmetine bıyl aqpan aıynda ǵana taǵaıyndalǵan bolatyn.