رۋسلان بەردەنوۆ شىمكەنتتە جەمقورلىق جوق ەكەنىن ايتتى

فوتو: t.me/mazhilis_kz

جاقىندا عانا شىمكەنت قالاسى اكىمىنىڭ ورىنباسارى لاۋازىمىنا تاعايىندالعان ەكس-دەپۋتات رۋسلان بەردەنوۆ قالادا سىبايلاس جەمقورلىق جوق ەكەنىن مالىمدەدى. بۇل تۋرالى qandastar.kz 

اكىم ورىنباسارىنىڭ مالىمدەمەسى الەۋمەتتىك جەلىدە تارادى.

«مەملەكەتتىك ساتىپ الۋلار بويىنشا – بىزدە بۇرىن بولعان سىبايلاس جەمقورلىق دەرەكتەرى قازىر جوق. مەن مۇنى اشىق, رەسمي تۇردە ايتا الامىن جانە بۇل تەك مەنىڭ ەمەس, بۇل وسى سالادا جۇمىس ىستەيتىن كاسىپكەرلەردىڭ سوزدەرى. قازىر قۇرىلىس سالاسىندا, مەملەكەتتىك ساتىپ الۋلاردا سىبايلاس جەمقورلىق جوق», — دەدى بەردەنوۆ جۋرناليستەرمەن اڭگىمەلەسۋ كەزىندە.

ەكس-دەپۋتاتتىڭ مالىمدەمەسى جەلى قولدانۋشىلارى اراسىندا قىزۋ پىكىرتالاس تۋدىردى. جەلى قولدانۋشىلارى بەردەنوۆتىڭ سوزدەرىنە كۇمانمەن قاراپ, ءتىپتى ازىلگە اينالدىرىپ پىكىر ءبىلدىردى.

“مىناۋ نە ايتىپ تۇر?”, “وزىنە ءالى ەشكىم ۇسىنباعان شىعار”, “وزىڭە كۇلكىلى ەمەس پە?”, “300 جىلدىق تاريحى بار فرانتسيا, 200 جىلدىق امەريكا ءالى جەمقورلىقتى تولىق جەڭە العان جوق, بۇلار قالاي مۇنداي مالىمدەمەلەر جاساي الادى”, – دەلىنگەن پىكىرلەردە.

ەسكە سالساق, بۇعان دەيىن پارلامەنت ءماجىلىسىنىڭ دەپۋتاتى رۋسلان بەردەنوۆ شىمكەنت اكىمىنىڭ ورىنباسارى قىزمەتىنە تاعايىندالعانى تۋرالى جازعان ەدىك.