جاڭالىقتار
رۋسلان بەردەنوۆكە شابۋىل جاساعان ەرنار جيەمباي 9 جىلعا سوتتالدى
فوتو: شىمكەنت اكىمدىگى
سوت اكىم ورىنباسارىنا وق اتقان ەرنار جيەمبايدى 9 جىلعا باس بوستاندىعىنان ايىردى, دەپ جازدى qandastar.kz
ول جازاسىن ورتاشا قاۋىپسىزدىك مەكەمەسىندە وتەيدى. بۇل تۋرالى Stan.kz اقپارات اگەنتتىگى حابارلايدى.
سونىمەن قاتار سوت جيەمبايدى جابىرلەنۋشىنىڭ پايداسىنا 30 اەك (118 890 تەڭگە) تولەۋگە مىندەتتەدى.
بۇعان دەيىن رۋسلان بەردەنوۆ بۇل قاراجاتقا ءوزىنىڭ ەمدەلىپ جاتقان اۋرۋحاناسىنا كولىك الىپ بەرگىسى كەلەتىنىن ايتقان ەدى.
ەسكە سالايىق, 21 ءساۋىر كۇنى رۋسلان بەردەنوۆكە شىمكەنت قالاسى اكىمدىگى عيماراتىنىڭ الدىندا وق اتىلىپ, ول اۋىر جاراقاتپەن اۋرۋحاناعا جەتكىزىلگەن ەدى. بۇل ءىس بويىنشا ايىپتالۋشى قالالىق قۇرىلىس باسقارماسىنا قاراستى «تۇرعىن ءۇي شىمكەنت» جشس-ءنىڭ بۇرىنعى ديرەكتورى ەرنار جيەمباي.
جابىرلەنۋشى رۋسلان بەردەنوۆ سوت وتىرىسىنا ونلاين رەجيمدە قاتىسقان. 18 تامىزدا پروكۋرور ەرنار جيەمبايعا 11 جىل 3 اي باس بوستاندىعىنان ايىرۋ جازاسىن سۇراعان. الايدا ايىپتالۋشىنىڭ قورعاۋشىسى تاعىلعان ايىپپەن كەلىسپەي, ونىڭ ارەكەتىن «كىسى ولتىرۋگە وقتالۋ» ەمەس, «قاساقانا اۋىر زيان كەلتىرۋ» دەپ باعالاۋ كەرەك ەكەنىن ايتقان.
