Rýslan Berdenovke shabýyl jasaǵan Ernar Jıembaı 9 jylǵa sottaldy

Foto: Shymkent ákimdigi 

Sot ákim orynbasaryna oq atqan Ernar Jıembaıdy 9 jylǵa bas bostandyǵynan aıyrdy, dep jazdy qandastar.kz

Ol jazasyn ortasha qaýipsizdik mekemesinde óteıdi. Bul týraly Stan.kz aqparat agenttigi habarlaıdy.

Sonymen qatar sot Jıembaıdy jábirlenýshiniń paıdasyna 30 AEK (118 890 teńge) tóleýge mindettedi.

Buǵan deıin Rýslan Berdenov bul qarajatqa óziniń emdelip jatqan aýrýhanasyna kólik alyp bergisi keletinin aıtqan edi.

Eske salaıyq, 21 sáýir kúni Rýslan Berdenovke Shymkent qalasy ákimdigi ǵımaratynyń aldynda oq atylyp, ol aýyr jaraqatpen aýrýhanaǵa jetkizilgen edi. Bul is boıynsha aıyptalýshy qalalyq qurylys basqarmasyna qarasty «Turǵyn úı Shymkent» JShS-niń burynǵy dırektory Ernar Jıembaı.

Jábirlenýshi Rýslan Berdenov sot otyrysyna onlaın rejımde qatysqan. 18 tamyzda prokýror Ernar Jıembaıǵa 11 jyl 3 aı bas bostandyǵynan aıyrý jazasyn suraǵan. Alaıda aıyptalýshynyń qorǵaýshysy taǵylǵan aıyppen kelispeı, onyń áreketin «kisi óltirýge oqtalý» emes, «qasaqana aýyr zııan keltirý» dep baǵalaý kerek ekenin aıtqan.