Rýslan Berdenovke jasalǵan qastandyq: Shymkentte sot otyrysy bastaldy

Foto: t.me/mazhilis_kz

Shymkent qalasynyń qylmystyq ister jónindegi mamandandyrylǵan aýdanaralyq sotynda qala ákiminiń orynbasary Rýslan Berdenovke jasalǵan qastandyqqa qatysty is boıynsha aldyn ala tyńdaý bastaldy, dep jazdy qandastar.kz

Bul týraly Stan.kz aqparat agenttigi habarlaıdy.

Aıta keteıik, bul iste qala turǵyny Ernar Jıenbaı kúdikti retinde tanylǵan. Is boıynsha aldyn ala tyńdaý ashyq rejımde, memelkettik tilde ótip jatyr. Sýdıa sot otyrysy kezinde sottalýshy ózin foto jáne vıdeoǵa túsirýge qarsylyq bildirgenin atap ótti.

«Taraptardyń pikirin eskere otyryp, sottalýshyny túsirýge tyıym salynady», – dedi sýdıa Ábınur Qarabaev.

Bul is boıynsha basty sot otyrysy 6 tamyz 10:00-ge belgilendi.

Buǵan deıin Ernar Jıenbaıǵa qatysty qylmystyq is sotqa kelip túskeni habarlanǵan edi. Ol Qylmystyq kodekstiń 24-babynyń 3-bóligi (Qylmysqa daıyndalý jáne qylmysqa oqtalý) jáne 99-baptyń 1-bóligi (Adam óltirý) boıynsha aıyptalýda.

Eske salsaq, 22 sáýirge qaraǵan túni Shymkent ákiminiń orynbasary Rýslan Berdenovke qastandyq jasalǵany týraly aqparat tarady. Ol  jambas jáne ıyq tusynan oq jaraqatyn alyp, aýrýhanaǵa jetkizildi. Oǵan shuǵyl túrde ota jasaldy. Shabýyldyń aldyn ala sebebi retinde birneshe nusqa aıtyldy. Biri Rýslan Berdenov shabýyl jasaǵan adamnyń áıeline tıisti dese, endi biri bul jaǵdaıdy Shymkenttegi qurylys salasyndaǵy bylyqtarmen baılanystyrdy. Keıinirek ákimdik ókilderi shabýyl jasaǵan adam ustalyp, ýaqytsha ustaý ızolıatoryna qamalǵanyn málimdedi.

22 sáýirde Rýslan Berdenovke qastandyq jasaǵan dep kúdiktelgen Ernar Jıenbaı týraly derekter taraı bastady. Onda Jıenbaı Berdenovti qyzmetinen bosatpaq bolǵany úshin kek alý maqsatynda atqany aıtylǵan.

Keıin Ernar Jıenbaıdyń ákesi málimdeme jasap, tergeý men sot ádil túrde istiń barlyq mán-jaıyn anyqtaıtynyna senim bildirdi. Sonymen qatar halyqtan asyǵys qorytyndy jasamaýdy jáne emoııaǵa berilmeýdi surady.