رۋسلان بەردەنوۆتىڭ وتادان كەيىنگى فوتوسى تارادى

فوتو: الەۋمەتتىك جەلى

ءۇش اپتا بۇرىن وق جاراقاتىن العان شىمكەنت اكىمى رۋسلان بەردەنوۆتىڭ اۋرۋحاناداعى فوتوسى پايدا بولدى, دەپ حابارلايدى qandastar.kz سايتى. 

پالاتاداعى كەرەۋەتتە جاتقان بەردەنوۆپەن بەلگىلى كاسىپكەر مارعۇلان سەيسەمباەۆ سۋرەتكە تۇسكەن.

«رۋسلان – مەن قۇرمەتتەيتىن ساناۋلى ساياساتكەرلەردىڭ ءبىرى. جاقىندا وعان قاستاندىق جاسالعان ەدى, بىراق شۇكىر, امان قالدى. قازىر دەنساۋلىعى جاقسى, جاعدايى تۇراقتى», – دەپ جازدى ول.

ەسكە سالساق, 21 ءساۋىر كۇنى ساعات 20:30 شاماسىندا شىمكەنت اكىمدىگى عيماراتىنىڭ جانىندا قالا اكىمىنىڭ ورىنباسارى رۋسلان بەردەنوۆكە قارۋلى شابۋىل جاسالعان بولاتىن. شەنەۋنىك جامباسى مەن يىعىنان وق جاراقاتىن الىپ, اۋرۋحاناعا جاتقىزىلدى. بەردەنوۆكە ءتورت ساعات بويى وتا جاسالعان. دارىگەرلەي ونىڭ ومىرىنە قاۋىپ جوق ەكەنىن ايتتى.

پوليتسەيلەر كۇدىكتى ەرنار جيەمبايدى ۇستاپ, ۋاقىتشا ۇستاۋ يزولياتورىنا قامادى. ول قىلمىستىق كودەكسىنىڭ 24-بابى 3-بولىگى (قىلمىستى ىستەۋگە وقتالۋ) جانە 99-بابى 2-بولىگىنىڭ 6-تارماعى (باسقا ادامداردىڭ ومىرىنە قاۋىپتى تاسىلمەن جاسالعان كىسى ولتىرۋگە وقتالۋ) بويىنشا تەرگەلىپ جاتىر.