Rýslan Berdenovtiń otadan keıingi fotosy tarady

foto: áleýmettik jeli

Úsh apta buryn oq jaraqatyn alǵan Shymkent ákimi Rýslan Berdenovtiń aýrýhanadaǵy fotosy paıda boldy, dep habarlaıdy qandastar.kz saıty. 

Palatadaǵy kereýette jatqan Berdenovpen belgili kásipker Marǵulan Seısembaev sýretke túsken.

«Rýslan – men qurmetteıtin sanaýly saıasatkerlerdiń biri. Jaqynda oǵan qastandyq jasalǵan edi, biraq shúkir, aman qaldy. Qazir densaýlyǵy jaqsy, jaǵdaıy turaqty», – dep jazdy ol.

Eske salsaq, 21 sáýir kúni saǵat 20:30 shamasynda Shymkent ákimdigi ǵımaratynyń janynda qala ákiminiń orynbasary Rýslan Berdenovke qarýly shabýyl jasalǵan bolatyn. Sheneýnik jambasy men ıyǵynan oq jaraqatyn alyp, aýrýhanaǵa jatqyzyldy. Berdenovke tórt saǵat boıy ota jasalǵan. Dárigerleı onyń ómirine qaýip joq ekenin aıtty.

Polıeıler kúdikti Ernar Jıembaıdy ustap, ýaqytsha ustaý ızolıatoryna qamady. Ol Qylmystyq kodeksiniń 24-baby 3-bóligi (Qylmysty isteýge oqtalý) jáne 99-baby 2-bóliginiń 6-tarmaǵy (Basqa adamdardyń ómirine qaýipti tásilmen jasalǵan kisi óltirýge oqtalý) boıynsha tergelip jatyr.