«Ryjıı Almazdyń ulymyn»: Aqberen Elgezek jeke ómirine qatysty qupııanyń betin ashty

Foto: Caravan.kz

Aqyn Aqberen Elgezek jeke ómiri týraly syr shertip, esh jerde aıtylmaǵan qupııanyń betin ashty, dep qandastar.kz aqparat portaly Caravan.kz-ke silteme jasap habarlaıdy.

Aqberen Elgezek 90-shy jyldary qylmys álemindegi tanymal bolǵan Ryjıı Almazdyń jerlesi. Aqynnyń sózine sensek, erterekte aıagózdik jastar ózderin «Ryjıı Almazdyń» ulymyz degen romantıkamen ósken.

«Bir túlen túrtip, Ryjıı Almaz meniń ákem dep aıtqan sát bolǵan. Bir azamattar meni shaqyryp alyp, Ryjıı Almazdy tanısyń ba dedi. Men tanımyn, ákem ǵoı degen sóz aýzymnan shyǵyp ketti. Áli kúnge deıin nege olaı aıtqanymdy bilmeımin. Sosyn olar bir-birine qarap, aıttyq qoı uqsaıdy dep dedi. Maǵan avtokólik, úı beremin dedi. Biraq, men bas tarttym, suraýy bar ǵoı, ony anyqtaıdy. Sodan keıin ol kisi Aıagózdiki bolǵannan keıin balalary esebinde, sondaı romantıkamen óstik qoı dep aıttym. Sosyn boldy baýyrym, kete ber dedi», — deıdi ol Nurseıit Jylqyshybaıǵa bergen suhbatynda.

Sondaı-aq, aqyn depýtat bolýǵa usynys túskenin, biraq odan bas tartqanyn da jasyrmady.

«Erlan Qarın jańa Parlament jasaqtalaıyn dep jatyr. Sol jerde bizdiń Jańa Qazaqstanǵa kerekti zańdardy qabyldaý kerek. Japonııa sııaqty elderde Parlamentte tóbeles bolyp jatady ǵoı, bizde de sondaı bolý kerek dedi. Soǵan sen sııaqty myqty jigitter jańa zańdy qabyldaý kerek dedi. Men Ereke, men ádebıettiń adamymyn. Densaýlyq saqtaý, ekonomıkaǵa qatysty zańdar kelse, men ne isteımin. Jazýshylar odaǵynda júre bereıin, Parlamentke daıyn emespin dedim», — deıdi ol.

Ryjıı Almaz degen laqap atpen qylmys áleminde keń tanylǵan tulǵanyń shyn esimi – Nesipbaı Násenov. Ol 1961 jyly Semeı óńirinde dúnıege kelgen. 1990 jyldary Qazaqstandaǵy uıymdasqan qylmys qurylymdarynyń beldi múshesi retinde tanymal boldy.