«Salonda 50 adam bolǵan»: Qazaqstannan Mońǵolııaǵa baǵyt alǵan avtobýs órtenip ketti

Foto: Reseı TJM

Astanadan Mońǵolııanyń Baıan-О́lgeıge qalasyna baǵyt alǵan reıstik avtobýs 20 shildede Reseıdegi tas jolda túgi qalmaı órtendi. Bul týraly Stan.kz aqparat agenttigi habarlaıdy.

Reseıdiń Altaı Respýblıkasy boıynsha tótenshe jaǵdaılar mınıstrliginiń málimetinshe, oqys oqıǵa Ońǵudaı aýdanynda bolǵan.

«Saǵat 06:13-te «Shý traktisi» R-256 avtojolynyń 720 shaqyrymynda Astana (Qazaqstan Respýblıkasy) – Baıan-ólgeı (Mońǵolııa Respýblıkasy) baǵyty boıynsha júretin reıstik avtobýsynyń órtengeni týraly habarlama kelip tústi. Salonda 50 adam bolǵan, onyń ishinde 15 bala bar, barlyǵy ózdiginen evakýaııalandy. Qaza tapqandar men zardap shekkender joq», – delingen mınıstrliktiń taratqan habarlamasynda.

Budan bólek tótenshe jaǵlaılar mınıstrligi saǵat 06:14-te órt ornyna Ońǵudaı aýylynyń №8 órt sóndirý-qutqarý bóliminiń órt sóndirýshileri barǵanyn málimdedi.

«Saǵat 07:15-te órt sóndirildi. Avtomobıl jolymen kólik qozǵalysy shektelmeıdi. Reseı TJM kúshimen jolaýshylar Inıa aýylyndaǵy ýaqytsha ornalastyrý pýnktine jetkizildi», – dedi TJM baspasóz qyzmeti.