سالىق بەرەشەگىن قالاي بىلۋگە بولادى

مەملەكەتتىك كىرىستەر كوميتەتى وڭىرلەرىندەگى سالىق كەڭەسشىلەرىنىڭ بايلانىس نومىرلەرىن جاريالادى, دەپ حابارلايدى قازاقپارات كوميتەتتىڭ ءباسپاسوز قىزمەتىنە سىلتەمە جاساپ.

«جىبەرىلگەن SMS-حابارلامادا جەكە تۇلعالاردىڭ شوتتارىندا قالىپتاسقان بەرەشەك جانە ارتىق تولەمدەر سومالارى قوسا كورسەتىلەدى. «SMS حابارلامالار» تاراتۋ قىزمەتى پيلوتتىق رەجيمدە جەكە تۇلعالاردى سالىق مىندەتتەمەلەرى تۋرالى ۋاقتىلى حاباردار ەتۋ ماقساتىندا ىسكە قوسىلدى. بۇل ءۇردىس قۇزىرلى ورگانداردىڭ اقپاراتتىق جۇيەلەر مەن دەرەكتەر قورىنىڭ بىرىگۋىنىڭ ارقاسىندا ىسكە اسىرىلدى», دەلىنگەن حابارلامادا.

كوميتەتتىڭ مالىمەتىنشە, SMS حابارلاما جەكە تۇلعالارعا سالىق مىندەتتەمەلەرى تۋرالى ەسكەرتپەنى جەدەل جەتكىزەدى. ونىڭ تاعى ءبىر ارتىقشىلىعى – بۇل قىزمەت بارلىق ۇيالى تەلەفونداردى پايدالانۋشىلارعا قولجەتىمدى. وسىنداي حابارلاما Kaspi Bank ءموبيلدى قوسىمشاسى ارقىلى جىبەرىلەدى. سالىق ورگاندارى 2018 جىلعا ەسەپتەگەن جانە 2019 جىلدىڭ 1 قازانىنان كەشىكتىرمەي تولەنۋى ءتيىس سالىق سوماسى (م ۇلىك سالىعى جانە جەر سالىعى) تۋرالى حابارلامانى ازاماتتارعا كوممۋنالدىق قىزمەتتەردى جەتكىزۋشى كۋرەرلىك قىزمەتى ارقىلى دا جىبەرەدى.

سونداي-اق, حابارلامالار قر قارجى مينيسترلىگى مەملەكەتتىك كىرىستەر كوميتەتىنىڭ «سالىق تولەۋشىلەر كابينەتى» قىزمەتىن پايدالانۋشىلارعا ەلەكتروندى تۇردە جىبەرىلەدى. جەكە تۇلعالار 2018 جىل ءۇشىن جەر جانە م ۇلىك سالىقتارى بويىنشا اقپاراتتى «Egov» پورتالىنىڭ «سالىق جانە قارجى» ءبولىمىنىڭ «جەكە تۇلعالاردىڭ الداعى تولەمدەرىن كورۋ جانە تولەۋ» قىزمەتىندە, kgd.gov.kz سايتىنداعى «بارلىق قىزمەتتەر» بولىمىندەگى «مەملەكەتتىك كىرىستەر ورگاندارى ەسەپ جۇرگىزەتىن الداعى تولەمدەر مەن بەرەشەكتىڭ جوعى (بار) تۋرالى اقپارات» بويىنشا الادى.

سونىمەن قاتار, تۇرعىلىقتى جەرى بويىنشا مەملەكەتتىك كىرىستەر باسقارمالارىنا شاعىمدانۋعا نەمەسە 1414 نومىرىنە ساعات 09:00-18:30 ارالىعىندا حابارلاسىپ, مەملەكەتتىك كىرىستەر باسقارماسى قىزمەتكەرلەرىمەن بايلانىسقا شىعۋاع مۇمكىندىك بار.

ايتا كەتەرلىگى, جەكە تۇلعالار كەز-كەلگەن ىڭعايلى جولمەن سالىق تولەي الادى: ەكىنشى دەڭگەيدەگى بانك بولىمشەلەرىندە نەمەسە تولەم تەرمينالدارىندا قولما-قول اقشامەن, بانكوماتتار مەن تولەم تەرمينالدارىندا بانك كارتاسىن قولدانا وتىرىپ www.kgd.gov.kz سايتىنداعى ەلەكتروندى قىزمەتتەر بويىنشا تولەۋگە بولادى.

انىقتاما الۋ ءۇشىن جەكە تۇلعالار بىرىڭعاي بايلانىس ورتالىعىنىڭ اقىسىز نومىرىنە — 1414 جۇگىنە الادى. ەسكە سالا كەتسەك, مەملەكەتتىك كىرىستەر ورگاندارىنىڭ اۋماقتىق دەپارتامەنتتەرىندە انىقتاما بەرە الاتىن ماماندار انىقتالدى. ولاردىڭ بايلانىس نومىرلەرىن مىنا سىلتەمەدەن بىلۋگە بولادى.

دەرەككوز: inform.kz