Salyq bereshegin qalaı bilýge bolady

Memlekettik kirister komıteti óńirlerindegi salyq keńesshileriniń baılanys nómirlerin jarııalady, dep habarlaıdy QazAqparat komıtettiń baspasóz qyzmetine silteme jasap.

«Jiberilgen SMS-habarlamada jeke tulǵalardyń shottarynda qalyptasqan bereshek jáne artyq tólemder somalary qosa kórsetiledi. «SMS habarlamalar» taratý qyzmeti pılottyq rejımde jeke tulǵalardy salyq mindettemeleri týraly ýaqtyly habardar etý maqsatynda iske qosyldy. Bul úrdis quzyrly organdardyń aqparattyq júıeler men derekter qorynyń birigýiniń arqasynda iske asyryldy», delingen habarlamada.

Komıtettiń málimetinshe, SMS habarlama jeke tulǵalarǵa salyq mindettemeleri týraly eskertpeni jedel jetkizedi. Onyń taǵy bir artyqshylyǵy – bul qyzmet barlyq uıaly telefondardy paıdalanýshylarǵa qoljetimdi. Osyndaı habarlama Kaspi Bank mobıldi qosymshasy arqyly jiberiledi. Salyq organdary 2018 jylǵa eseptegen jáne 2019 jyldyń 1 qazanynan keshiktirmeı tólenýi tıis salyq somasy (múlik salyǵy jáne jer salyǵy) týraly habarlamany azamattarǵa kommýnaldyq qyzmetterdi jetkizýshi kýrerlik qyzmeti arqyly da jiberedi.

Sondaı-aq, habarlamalar QR Qarjy mınıstrligi Memlekettik kirister komıtetiniń «Salyq tóleýshiler kabıneti» qyzmetin paıdalanýshylarǵa elektrondy túrde jiberiledi. Jeke tulǵalar 2018 jyl úshin jer jáne múlik salyqtary boıynsha aqparatty «Egov» portalynyń «Salyq jáne qarjy» bóliminiń «Jeke tulǵalardyń aldaǵy tólemderin kórý jáne tóleý» qyzmetinde, kgd.gov.kz saıtyndaǵy «Barlyq qyzmetter» bólimindegi «Memlekettik kirister organdary esep júrgizetin aldaǵy tólemder men bereshektiń joǵy (bar) týraly aqparat» boıynsha alady.

Sonymen qatar, turǵylyqty jeri boıynsha Memlekettik kirister basqarmalaryna shaǵymdanýǵa nemese 1414 nómirine saǵat 09:00-18:30 aralyǵynda habarlasyp, Memlekettik kirister basqarmasy qyzmetkerlerimen baılanysqa shyǵýaǵ múmkindik bar.

Aıta keterligi, jeke tulǵalar kez-kelgen yńǵaıly jolmen salyq tóleı alady: Ekinshi deńgeıdegi bank bólimshelerinde nemese tólem termınaldarynda qolma-qol aqshamen, bankomattar men tólem termınaldarynda bank kartasyn qoldana otyryp www.kgd.gov.kz saıtyndaǵy elektrondy qyzmetter boıynsha tóleýge bolady.

Anyqtama alý úshin jeke tulǵalar biryńǵaı baılanys ortalyǵynyń aqysyz nómirine — 1414 júgine alady. Eske sala ketsek, memlekettik kirister organdarynyń aýmaqtyq departamentterinde anyqtama bere alatyn mamandar anyqtaldy. Olardyń baılanys nómirlerin myna siltemeden bilýge bolady.

Derekkóz: inform.kz