Salyq pen aıyppul kólemi artady: Qazaqstanda 2026 jylǵa arnalǵan jańartylǵan AEK mólsheri ataldy

Foto: Stan.kz

Qarjy mınıstrligi 2026–2028 jyldarǵa arnalǵan respýblıkalyq bıýdjet jobasyn jarııalady. Qujat mınıstrler kabınetinde maquldanyp, Parlamentke joldandy, dep jazdy qandastar.kz

Onda negizgi áleýmettik kórsetkishter – zeınetaqy, eń tómengi kúnkóris deńgeıi jáne AEK kórsetilgen. Bul týraly Stan.kz aqparat agenttigi habarlaıdy.

Qujatqa sáıkes keler jyly negizgi qarjylyq kórsetkishter kelesideı bolady:

– AEK (aılyq eseptik kórsetkish) – 4 325 teńge (2025 jyly – 3 932 teńge).

– Eń tómengi zeınetaqy – 69 049 teńge (2025 jyly – 62 771 teńge).

– Bazalyq zeınetaqy tólemi – 35 596 teńge (2025 jyly – 32 360 teńge).

– Áleýmettik tólemderge arnalǵan eń tómengi kúnkóris deńgeıi – 50 851 teńge (2025 jyly – 46 228 teńge).

AEK-tiń ósýi aıyppuldar, memlekettik bajdar men salyqtardyń mólsherine tikeleı áser etedi. Sonymen qatar áleýmettik tólemder de osy kórsetkishterge baılanysty kóbeıedi.

Qazir bıýdjet jobasy talqylaý satysynda: ony 26 tamyzda Úkimet maquldap, Parlamentke jiberdi. Aldaǵy ýaqytta Májilis pen Senat depýtattary qarap, túzetýler engizýi múmkin. Degenmen negizgi áleýmettik parametrler, ádette, ózgerissiz qalady. Bıýdjet týraly zań jyl sońyna deıin qabyldanyp, Prezıdent qol qoıýy tıis. Ol 2026 jylǵy 1 qańtardan bastap kúshine enedi.

Úkimet boljamy boıynsha, 2026 jyly zeınetaqy men járdemaqy alýshylardyń sany shamamen 300 myń adamǵa artady. Stýdentterdiń stıpendııasy kóteriledi, al memlekettik bilim granttarynyń sany 19 myńǵa kóbeıedi. Sondaı-aq memleket mindetti áleýmettik medıınalyq saqtandyrý júıesin qarjylandyrýdy jalǵastyrady.

Eske salaıyq, buǵan deıin kelesi jyly eń tómengi jalaqy mólsheri ózgerissiz qalatynytýraly jazǵan edik.