جاڭالىقتار
«سامۇرىق-قازىنا» قورى قايىرىمدىلىق شىعىستارىن 40%-عا ارتتىردى
«سامۇرىق-قازىنا» قورى قازاقستاندىقتارعا قور توبىنىڭ بارلىق كومپانيالارى اتىنان كومەكتەسەتىن Samruk-Kazyna Trust قايىرىمدىلىق قورىن قارجىلاندىرۋ مولشەرىن ۇلعايتتى. بۇل تۋرالى بۇگىنگى ءباسپاسوز بريفينگىندە قوردىڭ قوعاممەن بايلانىس, الەۋمەتتىك-ەڭبەك قاتىناستارى جانە ەڭبەكتى قورعاۋ جونىندەگى باسقارۋشى ديرەكتورى عيبرات اۋعانوۆ اڭگىمەلەپ بەردى.
بيۋدجەتتەردىڭ اشىقتىعى
Samruk-Kazyna Trust بيۋدجەتى 2021 جىلى شامامەن 7 ملرد تەڭگەنى, بيىل – 10 ملرد. تەڭگەنى قۇرادى. قازىر تاڭدا 370 مىڭ قازاقستاندىققا, ونىڭ ىشىندە 48 مىڭ بالاعا كومەك كورسەتۋ ءۇشىن 44 قايىرىمدىلىق جوباسى ىسكە اسىرىلۋدا.
قور قوعامعا ايقىندىق پەن اشىقتىق قاعيداتتارىن ۇستانادى: جاقىندا ونىڭ رەسمي سايتى جاڭارتىلدى, وندا كەز كەلگەن كوممەرتسيالىق ەمەس ۇيىمدار (كەۇ) ءبىر تۇيمەنى باسۋ ارقىلى قارجىلاندىرۋعا ءوتىنىش بەرە الادى. سونىمەن قاتار, سايتتا بارلىق ماقۇلدانعان جوبالار تۋرالى, ولاردىڭ ورىنداۋشىلارى, قارجىلاندىرىلۋى جانە مەرزىمى تۋرالى تولىق اقپارات بەرىلگەن مالىمەتتەر ورنالاستىرىلعان.
بالالار مەن وڭىرلەردى قولداۋ
قايىرىمدىلىق باستامالارىن تاڭداۋ كەزىندە قور قازاقستان وڭىرلەرىندەگى بالالار مەن جوبالاردى قولداۋعا باسىمدىق بەرەدى. مىسالى, قوردىڭ قاراجاتىنا بۇكىل ەلدەگى پەرزەنتحانالارعا نارەستەلەردى قۇتقارۋ ءۇشىن گيپوتەرميا اپپاراتتارى ورناتىلادى. ولار شىمكەنت, قاراعاندى, تالدىقورعان, اقتاۋ, وسكەمەن, ورال قالالارىنا جەتكىزىلىپ, 1,5 جىل ىشىندە 22 بالانىڭ ءومىرىن ساقتاپ قالدى.
وڭىرلەردى قولداۋعا ارنالعان بيىلعى جىلدىڭ تاعى ءبىر ماڭىزدى جوباسى – «جاردەم» جانە «سالاماتتى قازاقستان» مەديتسينالىق پويىزدارىن ىسكە قوسۋ. ولاردىڭ ارقايسىسىندا اسا سۇرانىسقا يە ماماندىقتاردا جوعارى دارەجەلى دارىگەرلەر جۇمىس ىستەيدى. جارتى جىل بويى ولار بۇكىل قازاقستان بويىنشا شالعايداعى ستانتسيالارعا بارىپ, جەرگىلىكتى تۇرعىنداردى تەگىن قابىلدايدى. ازاماتتار تەك تەكسەرۋدەن, ۋلترادىبىستىق, ەكگ-دان ءوتىپ قانا قويماي, سونىمەن قاتار تالداۋلاردان ءوتىپ, قاجەتتى ەم-دومداردى دا الادى. 4 ايدا مەديتسينالىق پويىزداردىڭ دارىگەرلەرى 62 مىڭنان استام قازاقستاندىقتى قابىلدادى.
