«Samuryq-Qazyna» Qorynyń basshysy 100 kúnde atqarǵan jumysynyń qorytyndysyna arnalǵan brıfıngte sóz sóıledi

Búgin baspasóz brıfınginde «Samuryq-Qazyna» AQ Basqarma tóraǵasy Nurlan Jaqypov osy laýazymǵa kirisken alǵashqy 100 kúndegi jumysyn qorytyndylap, Qordy damytý jónindegi aldaǵy josparlary týraly baıandady.

Ol Qordyń jumysyn qolǵa alǵan kezdegi onyń jaǵdaıyna, portfeldik kompanııalardyń basshylyq quramy men qyzmetkerleriniń deńgeıine rıza bolǵanyn atap ótti.

Nurlan Jaqypov Qor Qazaqstannyń ekonomıkasynyń jaı-kúıine orasan zor áser etip, onyń draıveri jáne bıznes-tásilderdegi kóshbasshy bolyp tabylatynyn atap ótti. «Samuryq-Qazyna» Qorynyń Qazaqstannyń 2022 jylǵy turaqty damýyna qosqan úlesi 7,6 trln teńgeni qurady.

«Eger memleketke tólenetin tólemderimizdi, atap aıtqanda: 2022 jylǵy salyqtardy, dıvıdendterdi jáne ózge de tólemderdi qosa alatyn bolsaq, onda bul soma 2 trıllıon teńgeni qurady. Buny Qazaqstannyń eń iri aglomeraııasy – Almaty qalasy men Almaty oblysynyń 2023 jylǵy bıýdjetimen salystyrýǵa bolady», – dedi Nurlan Jaqypov.

Brıfıngte kóterilgen negizgi máselelerdiń biri – portfeldik kompanııalar qyzmetiniń birqatar túrleri boıynsha tarıfterdi kóterýge qatysty boldy. Qordyń basshylyǵy Úkimetpen jáne memlekettik organdarmen birlesip, áleýmettik turaqtylyqty qamtamasyz etý maqsatynda, ádil tarıfterdi engizý baǵytynda josparly túrde jumys júrgizedi, biraq halyqtyń múddesi mindetti túrde eskeriletin bolady.

«Qor 1,2 trln teńge somaǵa jeńildetilgen tarıfter men baǵalardy usyna otyryp, Qazaqstan ekonomıkasyn sýbsıdııalaıdy. – dedi Nurlan Jaqypov. – Bul uzaq ýaqyt boıy jetkiliksiz qarjylandyrýǵa jáne sáıkesinshe ınfraqurylymnyń tozýyna ákeledi. Prezıdent ótken jyly «Investıııalar ornyna tarıf» baǵdarlamasyn iske asyrýdy tapsyrdy. Qazirgi tańda biz Úkimetpen jáne Prezıdent Ákimshiligimen tarıfterdi josparly túrde arttyrý úshin jumys istep jatyrmyz. Bizdiń mindetimiz – maqsatty ınflıaııalyq dáliz sheginde tarıfterdiń ósýin 10-12% sheginde saqtaý jáne áleýmettik turaqtylyqty qamtamasyz etý bolyp tabylady», – dep atap kórsetti Qor basshysy.

Qazirgi ýaqytta myna kompanııalarǵa qatysty tarıfterdi ózgertý kelisildi:

• «QazMunaıGaz» UK» AQ – janar-jaǵarmaıdyń (JJM) kóterme baǵasyn ósirý;
• «QazaqGaz» UK» AQ – gazǵa kóterme jáne bólshek baǵany kóterý;
• «Samuryq-Energo» AQ – elektr energııasyn óndirýge tarıf;
• «Qazaqstan Temir Joly» UK» AQ – magıstraldyq temirjol jelisi qyzmetteriniń tarıfi.

Qazirgi tańda myna qyzmetterdiń sanattary: magıstraldyq sý qubyry arqyly sý berý, gaz tasymaldaý, jylý energııasy, tranzıt jáne eksport, lokomotıvtik tartym boıynsha tarıfterdi ózgertý máselesi pysyqtalýda.

Brıfıng barysynda «Samuryq-Qazyna» qory kirisiniń 2023 jyldyń sońyna boljamy usynyldy. Osy boljamǵa sáıkes, Qor aktıvteri qunynyń aıtarlyqtaı ósýi kútilýde, ol jyl basyndaǵy 72 mıllıard dollarmen salystyrǵanda ósip, 78 mıllıard dollardy quraıdy.

Brıfıng sońynda Nurlan Jaqypov «Samuryq-Qazyna» qorynyń jeke damý maqsatyn belgiledi.

«Men Qordyń aktıvterin, Ulttyq baılyǵymyzdy saqtap qana qoımaı, olardyń ashyqtyǵyn, tıimdiligin arttyrýym qajet dep sanaımyn. Men Qordy aktıvteriniń jalpy quny 72 mıllıard AQSh dollary bolǵan kezde basqarýdy qolǵa aldym. 2026 jyldyń sońyna deıin Qor aktıvteriniń quny, ıaǵnı Qazaqstan halqyna tıesili kásiporyndar men kompanııalardyń quny 100 mıllıard dollardy quraýy úshin bar kúshimdi salǵym keledi. Bul maqsatqa jetý ońaı emes, biraq bizde oǵan qajetti barlyq múmkindikter bar ekenine senimdimin», – dedi ol.

Qordyń taza paıdasy munaı baǵasynyń túsýine qaramastan, 2022 jylǵy deńgeıden tómen bolmaıdy dep josparlanyp otyr.

«Samuryq-Qazyna» Qorynyń Qoǵammen baılanys departamenti